CamNews

Google និង Asustek នឹងសហការគ្នាដើម្បីធ្វើការឧទ្ទេសនាមនូវគំរូឧបករណ៍ Tablet ថ្មីមួយ
មានទំហំ ៧ អ៊ីងនិងមានតំលៃទាប ក្នុងទិសដៅធ្វើការប្រកួតជាមួយនឹង Kindle Fire ដែល
ត្រូវបានអោយដឹងថានឹងបង្ហាញវត្តមាននៅក្នុងខែ ឧសភា ខាងមុខនេះ។ នេះបើយោងតាម
ប្រភពពត៌មានពី Digitimes របស់តៃវ៉ាន់។ Tablet ថ្មីនេះនឹងមានអេក្រង់មាន resolution
១២៨០� ៨០០ pixel, chip Quad core Tegra 3 និងដំណើរការដោយប្រព័ន្ធប្រតិបត្តការថ្មី
របស់ Google គឺ Android 4.0 Ice Cream Sandwich ។


Google បានស្វែងរកដៃគូរ តៃវ៉ាន់ ដើម្បីផលិត tablet អោយខ្លួនកាលពីចុងឆ្នាំកន្លងទៅ និង
ពេលនោះ HTC គឺជាឈ្មោះដែល Google បានជ្រើសរើសធ្វើជាដៃគូរផលិត។ ប៉ុន្តែ HTC មិន
ចង់ធ្វើការផលិតនូវសមិទ្ធិផលគុណភាពទាប ព្រោះខ្លាចប្រការនេះនាំអោយជះឥទ្ធិពលដល់
ឈ្មោះយីហោររបស់ពួកគេ។ ក្រោយមក Google សំរេចចិត្តធ្វើការសហការគ្នាជាមួយ Asus
ដោយសារតែក្រុមហ៊ុននេះមានសមត្ថភាពអាចផលិតនូវសមិទ្ធិផលដែលមានការរចនារក្សា
បានគុណភាពដើម (ODM) និងរាល់សមិទ្ធិផលរបស់ Asus ក៏សុទ្ធតែមានតំលៃល្អទៀតផង។
Tablet របស់ Google នឹងមានតំលៃចាប់ពី ២០០ ដុល្លាអាមេរិក រហូត ២៥០ ដុល្លាអាមេរិក
ក្នុងមួយគ្រឿង។ Digitimes អោយដឹងបន្ថែម ។

កន្លងមក មានប្រភពពត៌មានមួយបានអោយដឹងថាគំរូ tablet Asus Memo 370T ដែល Asus
ឧទ្ទេសនាមបង្ហាញនៅក្នុងកម្មវិធី CES ក្នុងកំឡុងខែមករា កន្លងមកនោះ នឹងត្រូវ Googleធ្វើ
ការជ្រើសរើសដើម្បីវាយឈ្មោះផ្លាកសញ្ញារបស់ខ្លួននៅលើសមិទ្ធិផលនេះ។ Asus ដាក់ចេញ
តំលៃលក់សំរាប់ផលិតផល Memo 370T នេះគឺ ២៥០ ដុល្លាអាមេរិកក្នុងមួយគ្រឿង ប៉ុន្តែ
Google កំពុងតែពិភាក្សាជាមួយក្រុមហ៊ុននេះក្នុងទិសដៅអោយក្រុមហ៊ុនជួយបន្ធូរបន្ថយ
តំលៃរបស់សមាសភាគផ្សំ ដែលក្នុងនោះអាចបន្ថយតំលៃរបស់អង្គចងចាំខាងក្នុង ដើម្បី
អោយតំលៃសមិទ្ធិផលមកត្រឹមតែ ២០០ ដុល្លាអាមេរិកវិញក្នុងមួយគ្រឿង៕

ប្រភព៖ Digitimes
ដោយ៖ រស្មី