CamNews

ស្វែងរកកំរិតខ្ពស់

១/៤នៃប្រជាជនជប៉ុនមានបំណងធ្វើអត្តឃាត

យោងតាមការស្រាវជ្រាវរបស់រាជរដ្ឋាភិបាលជប៉ុន ក្នុងចំណោមមនុស្សពេញវ័យ ៤ នាក់គឺមាន
ម្នាក់ធ្លាប់មានបំណងធ្វើអត្តឃាត ដែលភាគច្រើនគឺជាយុវវ័យ។

ប្រទេសជប៉ុនគឺជាប្រទេសដែលល្បីល្បាញថា ប្រជាជនជាមានចរិតរឹងប៉ឹង ឧស្សាព្យាយាម មាន
ភាពឆ្លាតវៃ និងមានវិន័យល្អ។ ប៉ុន្ដែទន្ទឹមនឹងនោះ ប្រទេសជប៉ុនក៏ត្រូវបានគេមើលឃើញថា ជា
កន្លែងដែលមានសម្ពាធជីវភាពខ្ពស់ជាងគេក្នុងពិភពលោកផងដែរ ហើយនេះគឺជាមូលហេតុ
ដែលធ្វើអោយប្រជាជនរហូតដល់ ១/៤ ធ្លាប់មានបំណងធ្វើអត្តឃាត។

លទ្ធផលនៃការស្ទង់មតិមួយដែលត្រូវបានធ្វើឡើងកាលពីខែមករា ឆ្នាំ ២០១២ ទៅលើមនុស្ស
ចំនួន ៣.០០០នាក់ ដែលមានអាយុចាប់ពី ២០ឆ្នាំឡើងទៅបានបង្ហាញថា ក្នុងចំណោមមនុស្ស
២.០១៧នាក់ដែលបានឆ្លើយ គឺមាន ២៣,៤% ឆ្លើយថា ធ្លាប់គិតដល់រឿងធ្វើអត្តឃាត គឺកើតឡើង
៤,៣% ធៀបនឹងការស្ទង់មតិដំបូងដែលត្រូវបានធ្វើឡើងកាលពីឆ្នាំ ២០០៨។

ក្នុងចំណោមអ្នកដែលធ្លាប់មានបំណងធ្វើអត្តឃាតគឺមានស្រ្ដី ២៧,១% ចំណែកបុរសគឺ ១៩,១%។

មនុស្សដែលមានវ័យប្រហាក់ប្រហែល ២០ឆ្នាំ តែងធ្លាប់មានគំនិតសម្លាប់ខ្លួនច្រើនជាងមនុស្ស
ស្ថិតក្នុងវ័យផ្សេងៗ។ ជាក់ស្ដែង ២៨,៤% ក្នុងចំណោមមនុស្សដែលស្ថិតក្នុងវ័យនេះធ្លាប់ចង់ស្លាប់
និង ៣៦,២% ក្នុងចំណោមពួកគេមានបំណងសម្លាប់ខ្លួនកាលពីឆ្នាំទៅ។

អត្រានៃអ្នកចង់ស្លាប់ក្នុងវ័យ ៣០ គឺមានចំនួន ២៥% រីឯវ័យ ៤០ឆ្នាំ គឺ ២៧,៣% ខណៈដែលវ័យ
៥០ឆ្នាំ មានអ្នកចង់ស្លាប់ ២៥,៧% និង៦០ឆ្នាំ គឺ ២០,៤% ចំណែកវ័យ ៧០ឆ្នាំគឺមានចំនួន១៥,៧%។

ការស្រាវជ្រាវ និងការស្ទង់មតិបានបង្ហាញថា អ្នកដែលបានសម្លាប់ខ្លួន ភាគច្រើនពួកគេមានអាយុ
ចាប់ពី ២០ ដល់ ៣០ឆ្នាំ។ មូលហេតុសំខាន់ដែលនាំអោយពួកគេសម្រេចចិត្តធ្វើអត្តឃាត នោះគឺ
ពួកគេតែងជួបប្រទះបញ្ហាផ្លូវចិត្ត និងត្រូវរងសម្ពាធធ្ងន់ធ្ងរផ្នែកមនោសញ្ចេតនា៕
ដោយ ៖ សូរីយ៉ា
ប្រភព ៖ Kyodo, AP

Tags: Japan ,  died ,  suicide

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......