CamNews

នៅក្នុងការលក់ដូរមួយកាលពីយប់ថ្ងៃព្រហស្បតិ៍ម្សិលម៉ិញនៅលើទីផ្សារភាគហ៊ុនអាមេរិក
តំលៃភាគហ៊ុនរបស់ Apple បានកើនឡើងរហូតជិតដល់ ៦០០ ដុល្លាអាមេរិកក្នុងមួយភាគ
ហ៊ុនត្រឹមតែក្នុងរយៈពេលមួយដ៏ខ្លីបំផុត មុននឹងធ្លាក់មកសល់ត្រឹមតែ ៥៩៧ ដុល្លាអាមេរិក
វិញក្នុងមួយភាគហ៊ុន។ ដោយឡែកនៅក្នុងកំឡុងបីខែកន្លងមកនេះ តំលៃភាគហ៊ុនរបស់
Apple បានកើនឡើងចំនួន ៥៧ ភាគរយ។
ពិភពអ្នកវិភាគបានធ្វើការវិភាគថាតំលៃភាគហ៊ុនរបស់ Apple នេះនឹងនៅបន្តកើនឡើងយ៉ាង
ខ្លាំងបន្តទៅទៀតដែលអាចនឹងឡើងជិតដល់ ៧០០​ដុល្លាអាមេរិកក្នុងមួយភាគហ៊ុន នៅពេល
ដែលគំរូឧបករណ៍ Tablet ថ្មីនេះនៅរក្សាបានតំណែងរបស់ខ្លួនដដែលនៅក្នុងទីផ្សារនោះ។

ទន្ទឹមនឹងនោះដែរ យោងតាមប្រភពពត៌មានពី Bloomberg អោយដឹងថាប្រទេស អូស្រ្តាលី
បានក្លាយជាទីផ្សារដំបូងគេក្នុងការដាក់បង្ហាញវត្តមានសមិទ្ធិផល iPad ថ្មីនេះគឺត្រូវទៅនឹង
ផែនការដែល Apple បានដាក់ចេញប្រាកដមែន។ នៅទីនោះត្រូវបានអោយដឹងថានៅពីមុខ ហាងលក់សមិទ្ធិផលមួយរបស់ Apple នៅក្នុងទីក្រុង Sydney មានអតិថិជនចំនួនប្រហែល
ជា ២០០ នាក់បានមកតំរៀបជួរគ្នាដ៏វែងដើម្បីរង់ចាំទិញ iPad ថ្មីនេះ។

យោងតាមប្រភពពត៌មានពី Cnet បានអោយដឹងថា លោក David Tarasenko គឺជាអតិថិជន
ដំបូងគេក្នុងពិភពលោកដែលបានក្លាយជាម្ចាស់របស់ iPad ថ្មីកំណែ ៦៤GB មានទាំងប្រព័ន្ធ
Wi-Fi និង 4G ផងដែរ។ ប្រភពដដែលបានអោយដឹងថាបុរសនោះមានក្តីរំភើបនិងរីករាយ
ខ្លាំងណាស់ពីព្រោះគាត់មិននឹកស្មានថាមានឱកាសក្លាយជាអតិថិជនដំបូងគេរបស់ Apple
សំរាប់កំណែជំនាន់ថ្មីដូច្នេះសោះ។

តាមគំរោង បន្ទាប់ពីប្រទេសអូស្រ្តាលី, ប្រទេសជប៉ុនគឺជាទីផ្សារបន្ទាប់ក្នុងការដាក់លក់សមិទ្ធិ
ផល iPad ថ្មីនេះ និងបន្តទៅទៀតនឹងត្រូវបង្ហាញវត្តមាននៅក្នុងទីផ្សារផ្សេងៗមានដូចជា នៅ
ទីក្រុងហុងកុង ប្រទេសសិង្ហបុរី ប្រទេសបារាំង អល្លឺម៉ង់ អង់គ្លេស កាណាដា និងប្រទេស
អាមេរិក។ ចំពោះតំលៃសមិទ្ធិផលថ្មីនេះនៅក្នុងប្រទេសអាមេរិកគឺមានតំលៃចាប់ពី ៤៩៩ដុល្លា
ឡើងរហូតដល់ ៨២៩ ដុល្លាអាមេរិកក្នុងមួយគ្រឿង៕

ប្រភព៖ CBS
ដោយ៖ រស្មី