CamNews

ព័ត៌មានអន្តរជាតិ ៖ សហរដ្ឋអាមេរិក បានអះអាងអោយដឹងថា ខ្លួនបានរកឃើញនូវភស្តុតាង
ដែលអាចបញ្ជាក់បានថា រដ្ឋាភិបាលប្រទេសស៊ីរី  បានប្រើប្រាស់នូវអាវុធគីមី  ក្នុងការវាយប្រ
ហារជនស៊ីវិល កាលពីពេលកន្លងទៅនេះ បន្ទាប់ពីលោកប្រធានាធិបតីសហរដ្ឋអាមេរិក បារ៉ា
អូបាម៉ា បាននិយាយ អាមេរិកគួរណា មានការអន្តរាគមន៍ ដោយប្រើកំលាំងយោធា  ដើម្បីធ្វើ
ការប្រឆាំងទៅនឹងការប្រើប្រាស់អាវុធគីមី នៅក្នុងប្រទេស ខណៈវាគឺជាការរំលោភបំពានទៅ
នឹងច្បាប់អន្តរជាតិ នេះបើយោងតាមការដកស្រង់អត្ថបទផ្សាយពីគេហទំព័រសារព័ត៌មានបរ
ទេស ស្កាយ ដែលទើបតែបានចេញផ្សាយនូវព័ត៌មានចុងក្រោយមួយនេះ។

រដ្ឋលេខាធិការសហរដ្ឋអាមេរិក លោក John Kerry បានផ្តល់ជាកិច្ចសម្ភាសន៍ដល់ទីភ្នាក់ងារ
សារព័ត៌មានក្នុងស្រុកមួយចំនួនអោយដឹងថា  បទអន្តរាគមន៍  ក្នុងការប្រើប្រាស់កម្លាំងយោ
ធា ទៅលើប្រទេសស៊ីរី អាចនឹងមានចំណាត់ការឡើង ។  គាត់បានគូសបញ្ជាក់បន្ថែមអោយ
ដឹងផងដែរថា គំរូភស្តុតាងដែលនៅក្នុងនោះរួមមាន សរសៃសក់ ក៏ដូចជា ឈាមត្រូវបានគេ
រកអោយឃើញនូវសារធាតុគីមីម៉្យាង ដែលអោយឈ្មោះថា   sarin  ហើយត្រូវបានគេជឿថា
ជាសារធាតុគីមី ដែលបានប្រើប្រាស់ក្នុងការវាយប្រហារអាវុធគីមី កាលពីពេលកន្លងទៅ។

យ៉ាងណាមិញ បើយោងតាមអ្នកនាំពាក្យ UN  អោយដឹងថា  រដ្ឋលេខាធិការអង្គការសហប្រ
ជាជាតិ លោក Ban Ki-moon បានស្នើអោយអ្នកសង្កេតការអាវុធរបស់ UN ចេញមកធ្វើការ
បកស្រាយ ក៏ដូចជាវិភាគអោយបានច្បាស់ទៅលើភស្តុតាងដែលគេប្រមូលបាន នៅឯក្រុង
Damascus ក្រោយមានការវាយប្រហារ។

ទន្ទឹមនឹងមានការគម្រាមគំហែងពីការវាយប្រហារពីសំណាក់លោកខាងលិច  ប្រធានាធិបតី
ស៊ីរី លោក  Bashar al  Assad  បានប្រាប់ដល់ទូរទស្សន៍រដ្ឋអោយដឹងថា  ខ្លួនពិតជា មិនញ
ញើតក្នុងការវាយប្រហារអ្វីនោះទេ ខណៈខ្លួនមានការត្រៀមខ្លួនរួចជាស្រេច។

បើតាមការអោយដឹងពីសហរដ្ឋអាមេរិក បានប៉ាន់ប្រមាណអោយដឹងមនុស្ស ជនស៊ីវិលជាង
១,៤២៩ នាក់ ក្នុងនោះ មានក្មេងតូចៗដល់ទៅ ៤២៦ នាក់ត្រូវបានសម្លាប់រង្គាលនៅក្នុងការ
វាយប្រហារពីសំណាក់កងកម្លាំងរបស់រដ្ឋាភិបាល ដែលត្រូវបានគេជឿថា បានប្រើប្រាស់អា
វុធគីមីក្នុងការវាយប្រហារ កាលពីខែចុងខែមុននេះ នៅក្នុងក្រុង Damascus ។

យ៉ាងណាក៏ដោយ​លោក អូ​បា​ម៉ា  បានសម្រេច​ស្វះស្វែង​រក   ការគាំទ្រ​ពី​សមាជិកសភា មុន
​ធ្វើការ​វាយប្រហារ លើ​ប្រទេស​ស៊ី​រី ខណៈដែល​ការស្ទង់មតិ​បង្ហាញ ការ​ប្រឆាំងនឹង​ការធ្វើ​ស
ង្គ្រាមក្នុងចំណោម​ពលរដ្ឋ​អាមេរិក    ដែល​ធុញទ្រាន់ នឹង​សង្គ្រាម​នៅ​អ៊ីរ៉ាក់  និង ​អា​ហ្វ​ហ្គា​នី​
ស្ថាន​  ។ ទាហាន​អាមេរិក  បាន​ពលី​ជាច្រើន ក្នុង​បុព្វហេតុ​នៃ​ការធ្វើ​សង្គ្រាម  ហើយ​បើ​មាន
ការ  វាយប្រហារ​លើ​ប្រទេស​ស៊ី​រី ក៏​មិនជា​ល្អ​ប៉ុន្មាន​ដែ រ​។​    ផ្ទុយទៅវិញ រុស្ស៊ី​ក៏បាន​គំរាមកំ
ហែង   លោកខាងលិច ពី​លទ្ធផល ​នៃ ​ការជ្រៀតជ្រែក  ទៅលើ​ប្រទេស​ស៊ី​រី   ដែល​នឹង​គ្មាន​
លទ្ធផល ល្អ​នោះឡើយ​៕​

* ព័ត៌មានអន្តរជាតិមួយចំនួនផ្សេងទៀត មាននៅខាងក្រោម ៖

- វីដេអូ រំជួលចិត្ត ​៖ បុរសជាឪពុកទ្រហ៊ោយំ ស្ទើរសន្លប់ ខណៈបានជួបកូន ដែលខ្លួនគិត
ថាបានស្លាប់បាត់ទៅហើយនោះ
- វីដេអូ គ្រោះថ្នាក់ចរាចរណ៍ព្រឺរោម ឡានធំ ទម្ងន់ ៤០ តោន បុកគេឯង ទាំងកម្រោល
- ប្រទេសមហាអំណាចតំបន់អាស៊ី ក្នុងខែសីហានេះ ជួបបទពិសោធន៍អាក្រក់បំផុត តាំង
ពីឆ្នាំ ១៩៦១
- ដើមឆ្នាំ ២០១៤ ល្បែងគ្រោះថ្នាក់ មានតែមួយគត់ក្នុងលោក នឹងសំកាំងខ្លួនឡើង (មាន
វីដេអូ)

ដោយ ៖​ រិទ្ធី
ប្រភព ៖ ស្កាយ