នៅមានជីវិត បន្ទាប់ពីត្រូវដាក់ទោស ដោយការព្យួរ.ក ១២នាទី

ប្លែកៗ

នៅមានជីវិត បន្ទាប់ពីត្រូវដាក់ទោស ដោយការព្យួរ.ក ១២នាទី

08:34 PM 24.10.2013
Print Email

ទណ្ឌិតម្នាក់ដែលបានទទួលទោសប្រហារជីវិតនៅអ៊ីរ៉ង់ នឹងត្រូវបានដោះលែងឱ្យមានសេរីភាព ដោយសារតែ នៅមានជីវិត បន្ទាប់ពីត្រូវយកទៅប្រហារជីវិតដោយព្យួរ.ក រយៈពេល ១២នាទី។

ទណ្ឌិតម្នាក់ កំពុងត្រៀមខ្លួន ទទួលទោសប្រហារជីវិត ដោយព្យួរ.ក នៅអ៊ីរ៉ង់ (រូបថតរបស់ AP)

ទីភ្នាក់ងារសារព័ត៌មានអ៊ីរ៉ង់ ISNA កាលពីម្សិលមិញ បានដកស្រង់សំដីរបស់រដ្ឋមន្ដ្រីក្រសួងយុត្តិធម៌ Mostafa Pourmohammadi ឱ្យដឹងថា ៖ “មិនចាំបាច់ដាក់ទោសប្រហារជីវិតម្ដងទៀត ចំពោះអ្នកទោសដែលបានទទួលទោសប្រហារជីវិត អាយុ ៣៧ ត្រកូល Alireza ។ ការកាត់ដាក់ទោសសាជាថ្មីនឹងបង្កឱ្យមានផលអាក្រក់ដល់កិត្តិយសប្រទេសអ៊ីរ៉ង” ។

ជនល្មើស Alireza ត្រូវបានតុលាការកាត់ឱ្យទទួលទោសប្រហារជីវិត ដោយសារតែរត់ពន្ធគ្រឿងញៀន។ ជននេះ ត្រូវបានយកទៅប្រហារជីវិត ដោយការព្យួរ.ក ក្នុងរយៈពេល ១២នាទី កាលពីដើមខែតុលា ហើយត្រូវបានគេប្រកាសថា បានស្លាប់។ មួយថ្ងៃក្រោយមក នៅពេលមកទទួលសាកសព ពីពន្ធនាគារ ក្នុងក្រុង Bojnourd សមាជិកគ្រួសាររបស់សពទណ្ឌិតនេះ បានឃើញថា ជននេះនៅមានដង្ហើម ។

Alireza ត្រូវបានបញ្ជូនទៅកាន់មន្ទីរពេទ្យដើម្បីពិនិត្យឡើងវិញ ដោយមានការឃ្លាំមើលពីក្រុមនគរបាល។ បន្ទាប់ពីបានពិនិត្យ ក្រុមវេជ្ជបណ្ឌិត អះអាងថា អ្នកទោសនេះ នៅមានជីវិត នៅឡើយ ដោយគ្រាន់តែស្ថិតក្នុងស្ថានភាពសន្លប់នៅពេលត្រូវព្យួរ.ក។

ករណីរបស់ Alireza បានធ្វើឱ្យមានការជជែកវែកញែកជាខ្លាំងពីសាធារណជន ក្នុងនោះ ក្រុមអ្នកជំនាញផ្នែកច្បាប់យល់ថា ជននេះគួរតែត្រូវព្យួរ.ក សាជាថ្មី។ ចំណែក កាលពីសប្ដាហ៍មុន អង្ការលើកលែងទោសអន្ដរជាតិ បានអំពាវនាវឱ្យអ៊ីរ៉ង់ លើកលែងទោសដល់ Alireza ។

អត្ថបទសំខាន់ៗគួរចាប់អារម្មណ៍ ៖

ចោរទារប្ដឹងសារមន្ទីរ បន្ទាប់ពីលួចរូបគំនូរ ដោយសារសន្ដិសុខអន់

វីដេអូកំប្លែង ល្បីអស់ទាស់ ពេញហ្វេសប៊ុក លេងភ្លេងហៅខ្មោច

ហ៊ានដុតកុមារអាយុ ១២ឆ្នាំ ទាំងរស់ ដោយសារតែ រឿងខ្សែខ្លែង

ប្រែសម្រួលដោយ ៖ តារា
ប្រភព ៖ aljazeera

Facebook Comments

Tags: Iran , re-hang , convict , Alireza , Bojnourd , Mostafa Pourmohammadi

CamNews