CamNews

ស្វែងរកកំរិតខ្ពស់
ទូរស័ព្ទ 

ហេតុអ្វីបានជា iPhone តែងតែមានអេក្រង់ទំហំ ៣,៥អ៊ីងជានិច្ច?

ពេលដែលទូរស័ព្ទ iPhone 4S បង្ហាញវត្តមានដំបូងរបស់ខ្លួន មានមហាជនជាច្រើនសំដែងការ
ខកចិត្តយ៉ាងខ្លាំងទាំងលើការរចនារូបរាងរបស់វានិងការរក្សានូវទំហំអេក្រង់ដដែលដូចទូរស័ព្ទ
iPhone 4 ជំនាន់មុន ។ ប៉ុន្តែអ្នកជំនាញផ្នែករចនាម៉ូដជាជនជាតិអាមេរិកលោក Dustin Curtis
បានធ្វើការបកស្រាយពន្យល់ថា ទំហំអេក្រង់ធំមិនប្រាកដថាមានប្រសិទ្ធិភាពល្អនោះឡើយ ។

អ្នកជំនាញរូបនោះបានប្រើប្រាស់ទាំងទូរស័ព្ទ iPhone 4 និងទូរស័ព្ទ Galaxy S II (អេក្រង់ទំហំ
៤,៣អ៊ីង) លោកបានធ្វើការកត់សំគាល់ឃើញថាទូរស័ព្ទរបស់ Samsung មានការពិបាកប្រើ
ប្រាស់ជាខ្លាំងជាមួយដៃម្ខាង ។

លោក Dustin បានសរសេរនៅលើប្លុករបស់ខ្លួនថា​៖"នៅពេលបើកនូវកម្មវិធី Google Maps,
Galaxy S II បង្ករអោយមានអារម្មណ៍ពិបាកយ៉ាងខ្លាំងពីព្រោះតែម្រាមដៃមិនអាចលូកទៅដល់
ផ្នែកមួយចំនួនទៀតនៅលើអេក្រង់។ ប៉ុន្តែជាមួយ iPhone 4 គឺផ្ទុយស្រឡះ គ្រប់កិច្ចការមាន
លក្ខណៈងាយស្រួលបំផុតដោយគ្រាន់តែកាន់ទូរស័ព្ទនៅដៃខាងស្តាំហើយប្រើម្រាមដៃមេ គឺ
អាចលូកទៅដល់ស្ទើរតែគ្រប់ទីតាំងទាំងឡាយនៃអេក្រង់ជា Touch Screen របស់ទូរស័ព្ទ" ។

តាមការអោយដឹងពីក្រុមអ្នកជំនាញទាំងឡាយថា ទូរស័ព្ទមានអេក្រង់ទំហំ ៣,៥អ៊ីង គឺមាន
លក្ខណៈល្អប្រសើរបំផុតសំរាប់អ្នកប្រើប្រាស់ភាគច្រើន ជាពិសេសគឺភាគីខាងស្ត្រី ។ ដោយ
ឡែកទំហំនៃអេក្រង់នេះក៏ជួយមួយផ្នែកធំក្នុងការសន្សំថាមពលថ្មអោយបានកាន់តែយូរជាង
ផងដែរ មានរបៀបរៀបរយជាង ងាយស្រួលដាក់តាមហោប៉ៅ និងមិនសូវធ្ងន់ទៀតផង ។
ប៉ុន្តែមានមួយចំនួនចង់បានអេក្រង់ធំពីព្រោះអេក្រង់ធំគឺផ្តល់ភាពងាយស្រួលដល់ពួកគេក្នុង
ការចូលអានដំណឹងពត៌មានផ្សេងៗបានកាន់តែច្បាស់ រឺក៏ទស្សនាវីដេអូ ជាដើម ។

នៅលើទីផ្សារ,បណ្តាឧបករណ៍ smartphone "ទំហំយក្ស"ភាគច្រើនគឺរបស់ HTC និងរបស់
Samsung ជាមួយម៉ូដែល Galaxy Note (៥,៣អ៊ីង), Infuse 4G (៤,៥អ៊ីង), HTC Titan, HTC
Sensation XL (៤,៧អ៊ីង) ខណៈពេលដែលសមិទ្ធិផលរបស់ក្រុមហ៊ុនដទៃទៀតដូចជា Nokia
រឺក៏ Apple សុទ្ធតែមានអេក្រង់មានទំហំប្រហាក់ប្រហែលគ្នាគឺក្រោម ៤អ៊ីងប៉ុណ្ណោះ ៕

ប្រភព៖ ione.net
ដោយ៖ រស្មី

Tags: electronic, nokia, apple, samsung, smartphone, iphone 4, iphone 4s, htc, galaxy sii, galaxy note, sensation xl

ទូរស័ព្ទ ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...