CamNews

កាលពីពេលថ្មីៗកន្លងទៅនេះ Nokia បានប្រកាសអំពីការផ្លាស់ប្តូរក្រុមថ្នាក់ដឹកនាំថ្មី សំរាប់​
ដឹកនាំប្រតិបត្តិការរបស់ខ្លួននៅ ជ្រោយឥណ្ឌូចិន (វៀតណាម កម្ពុជា និងឡាវ) និងប្រទេស
ហ្វីលីពីន។
ក្រុមហ៊ុន Nokia បានតែងតាំងលោក William Hamilton-Whyte ជា Vice President ដើម្បី​
មើលការខុសត្រូវក្នុងបណ្តា ប្រទេសខាងលើឲ្យឈ្មោះថា តំបន់ �ឥណ្ឌូចិន-ហ្វីលីពីន� ។ ការតែងតាំងនេះស្របទិសដៅគ្នានឹងគំរោងកែលំអ ប្រតិបត្តិការអាជីវកម្ម និងការរៀបចំ​
រចនាសម្ព័ន្ធគ្រប់គ្រងសារជាថ្មី សំដៅឆ្លើយតបទៅនឹងនិន្នាការនៃទីផ្សារ និងតំរូវការ
អតិថិជន។
ក្រោមការដឹកនាំរបស់លោកផ្ទាល់, លោកWilliam Hamilton-Whyte នឹងពង្រឹងជំហរឈាន
មុខរបស់ Nokia ឲ្យកាន់តែរឹងមាំ ថែមទៀត នៅចំកណ្តាលបរិយាកាសប្រកួតប្រជែងយ៉ាង
ខ្លាំងក្លា និងចំណោទផ្សេងៗនៃលក្ខខណ្ឌម៉ាក្រូសេដ្ឋកិច្ច។

មុនពេលចូលកាន់តំណែងថ្មីនេះ លោក William Hamilton-Whyte ធ្លាប់បានដឹកនាំប្រតិបត្តិការ
ទីផ្សារ Nokia នៅប្រទេស ហ្វីលីពីនឲ្យសំរេចបានលេខ១ នៅក្នុងអនត្តគ្រប់គ្រងរបស់​លោក​
ពីឆ្នាំ២០០៧ដល់២០០៩។ បន្ទាប់មកទៀតគឺចាប់ពីខែកញ្ញា ឆ្នាំ២០០៩ លោកបានទទួល
ការតែងតាំង​ឲ្យដឹកនាំប្រតិបត្តិការ Nokia ប្រចាំនៅជ្រោយឥណ្ឌូចិន។ ក្រោមការដឹកនាំរបស់
លោក ក្រុមការងារនៅទីនោះ សំរេចសមិទ្ធផលយ៉ាងត្រចះត្រចង់ ទាំងបរិមាណលក់ ប្រាក់
ចំណូល និងរង្វាយតំលៃមកលើយីហោ ផលិតផល Nokia។ លោក William មិនត្រឹមតែជា​
បុគ្គលមានបទពិសោធន៍យូរឆ្នាំ ធ្លាប់បំរើការទាំងនៅអឺរ៉ុប និងអាស៊ីតែ ប៉ុណ្ណោះទេ គឺលោក
ជាបុគ្គល​ដែលគេទទួលស្គាល់ថា ប៉ិនប្រសព្វច្នៃប្រឌិត អភិវឌ្ឍប្រកបដោយនិរន្តរភាព និង​
គិតគូបានដិតដល់ចំពោះបុគ្គលិកក្រោមបង្គាប់។
ស្ថិតក្នុងតួនាទីជា Vice President ប្រចាំនៅតំបន់ ឥណ្ឌូចិន-ហ្វីលីពីន លោក William
Hamilton-Whyte មានទីស្នាក់ ការនៅទីក្រុងហូជីមិញ។
ស្របនឹងការតែងតាំងលោក William Hamilton-Whyte, ក្រុមហ៊ុន Nokia ក៏បានប្រកាសក្រុម
ថ្នាក់​ដឹកនាំថ្មីផងដែរ។ ក្រុម ថ្នាក់ដឹកនាំថ្មីប្រចាំតំបន់នេះ មានទីស្នាក់ការនៅទីក្រុងហូជីមិញ
ដូចគ្នា ដែលនឹងចូលកាន់តួនាទីចាប់ពីខែមករា ឆ្នាំ២០១១ ត ទៅ។