CamNews

ក្នុងកិច្ចសម្ភាសមួយជាមួយកាសែត Guardian របស់អង់គ្លេសកាលពីពេលថ្មីៗនេះ លោក
Marko Ahtisaari ប្រធានក្រុមខាងផ្នែករចនាម៉ូដរបស់ Nokia បានអោយដឹងថារាល់បណ្តា
ឧបករណ៍ទូរស័ព្ទ Lumia ដំណើរការដោយ Windows Phone (WP) នៅពេលអនាគតនឹង
ត្រូវបានបំពាក់នូវបច្ចេកវិទ្យាតំណភ្ជាប់ NFC ហើយរាល់រន្ធភា្ជប់ទាំងឡាយនៅលើទូរស័ព្ទ
នឹងត្រូវធ្វើការបោះបង់ចោលទាំងស្រុង ជាពិសេសថែមទាំងប្រើប្រាស់នូវបច្ចេកវិទ្យាសាក
ថ្មឥតប្រើខ្សែទៀតផង ដែលបច្ចេកវិទ្យានេះធ្លាប់ដាក់អោយប្រើប្រាស់នៅលើឧបករណ៍
Tablet TouchPad របស់ HP នាពេលកន្លងមក។ ក្នុងនោះ Microsoft នឹងបន្តធ្វើការផ្គត់ផ្គង់
កម្មវិធី Software និងធ្វើកិច្ចសហប្រតិបត្តិការជាមួយ Nokia ដើម្បីនូវសមិទ្ធិផលផ្សេងៗមាន
លក្ខណៈស៊ីសង្វាក់គ្នានិងមានគុណភាពខ្ពស់។
រាល់បណ្តាទូរស័ព្ទរបស់ Nokia ទាំងអស់គឺត្រូវបានសាកថ្មតាមរយៈរន្ធ microUSB ដូច្នេះប្រ
សិនបើក្រុមហ៊ុនធ្វើការបោះបង់ចោលនូវរន្ធនោះ មានន័យថាក្រុមហ៊ុននឹងអាចជំនួសមក
វិញនូវបច្ចេកវិទ្យាសាកថ្មដោយឥតប្រើខ្សែដូច HP TouchPad ដូច្នោះដែរ។

អំពីបច្ចេកវិទ្យាតំណភ្ជាប់ NFC វិញ ​បើទោះបីជារាល់កំណែ WP ពេលបច្ចុប្បន្នមិនទាន់ត្រូវ
បានធ្វើការបំពាក់នូវបច្ចេកវិទ្យា NFC នេះក៏ដោយ ប៉ុន្តែ Microsoft ក៏បានអោយដឹងផងដែរ
ថាបច្ចេកវិទ្យាតំណភ្ជាប់នោះនឹងមានវត្តមាននៅលើបណ្តាកំណែ WP ជំនាន់ក្រោយដែល
នឹងបង្ហាញវត្តមានក្នុងខែតុលាខាងមុខនេះ។ បច្ចេកវិទ្យា NFC នេះអនុញ្ញាតអោយអ្នកប្រើ
ប្រាស់អាចធ្វើការតភ្ជាប់ជាមួយគ្នាតាមរយៈ Bluetooth ដែលមានល្បឿនលឿនបំផុត និង
ងាយប្រើប្រាស់ផងដែរគឺអ្នកប្រើប្រាស់គ្រាន់តែយកទូរស័ព្ទប៉ះគ្នាដើម្បីចាប់ផ្តើមដំណើរការ
pair ចែករំលែកឯកសារ រឺប៉ះជាមួយកាសស្តាប់ចំរៀងដើម្បីស្តាប់ចំរៀងជាដើម...។
បើគិតចាប់តាំងពីពេលដែលបានធ្វើការឧទ្ទេសនាមកាលពីខែ វិច្ឆិការក្នុងឆ្នាំកន្លងទៅ Nokia
លក់បានជាងចំនួន ១លានគ្រឿងនៃទូរស័ព្ទ Lumia របស់ខ្លួន។ ស្របពេលជាមួយគ្នានោះ ក្រុមហ៊ុនក៏បានប្រាប់អោយដឹងផងដែរថា ក្រុមហ៊ុននឹងធ្វើការផ្អាកផ្គត់ផ្គង់ប្រព័ន្ធប្រតិបត្តិការ
Symbian ចាប់ពីក្រោយឆ្នាំ ២០១៦ តទៅផងដែរ ព្រោះ CEO គឺលោក Stephen Elop និយាយ
ថាប្រព័ន្ធប្រតិបត្តិការនេះមិនមានលទ្ធភាពគ្រប់គ្រាន់ដើម្បីធ្វើការប្រកួតប្រជែងជាមួយប្រព័ន្ធ
ប្រតិបត្តិការ Android រឺក៏ iOS នោះឡើយ។ CEO ខាងលើបានបន្តថាចំពោះអន្តរកម្ម (មាន
ទំនាក់ទំនងទៅវិញទៅមក) ជាមួយអេក្រង់ Touch screen ពេលបច្ចុប្បន្ននេះគឺកំពុងស្ថិតក្នុង
តំណាក់កាលមួយដែលមានលក្ខណៈថ្មីបំផុត ដោយលោកបានធ្វើការប្រៀបធៀបថា៖
"ក្នុងកំឡុងឆ្នាំ ១៨៨០ មនុស្សទូទៅប្រើដៃចង្កូត(មានលក្ខណៈដូចដៃកង់រឺដៃម៉ូតូ) ដើម្បីបញ្ជារ
រថយន្ត, ហើយគេត្រូវចំណាយពេល ១៥ ក្រោយទើបមានចង្កូតថ្មី (ចង្កូតមានលក្ខណៈដូច
ចង្កូតរថយន្តបច្ចុប្បន្ន) ត្រូវបានប្រើប្រាស់ដើម្បីធ្វើការបញ្ជារកង់មុខទាំងពីររបស់រថយន្ត។
ដោយឡែកពួកយើងវិញគឺកំពុងតែស្ថិតនៅក្នុងតំណាក់កាលពាក់កណ្តាលនៃដំណាក់កាល
អន្តរកម្មនោះឯង"៕

ប្រភព៖ Guardian
ដោយ៖ រស្មី