CamNews

កាលពីពេលថ្មីៗនេះ Foxconn ជាក្រុមហ៊ុនផលិតដ៏ធំនិងសំខាន់បំផុតសំរាប់ Apple ទើបតែ
បានអោយដឹងថាខ្លួននឹងដំឡើងប្រាក់ខែបន្ថែមទៀតដល់បុគ្គលិករបស់ខ្លួនចាប់ពី ១៦ ទៅ
២៥% គឺពី ១.៨០០យាន់ក្នុងមួយខែ​(ប្រហែល ២៨៥ដុល្លាអាមេរិក) ចាប់ផ្តើមពីខែកុម្ភៈនេះ
ឡើងទៅ ២.២០០យាន់ (៣៤៩ដុល្លាអាមេរិក) ប្រសិនបើបុគ្គលិទាំងនោះអាចឆ្លងផុតពីដំ
ណាក់កាលធ្វើតេស្តបចេ្ចកទេស។ នេះគឺជាដំណាក់កាលនៃការដំឡើងប្រាក់ខែជាលើកទី
បីហើយរបស់ Foxconn គិតចាប់តាំងពីឆ្នាំ ២០១០ មក។ មុននេះបីឆ្នាំ ប្រាក់ខែរបស់បុគ្គលិក
ដែលធ្វើការអោយ Foxconn មានចំនួនត្រឹមតែ ៩០០ យាន់ប៉ុណ្ណោះគឺប្រហែលនឹង ១៤២
ដុល្លាអាមេរិក សំរាប់បុគ្គលិកកំរិតទាបដែលធ្វើការនៅទីនោះ។
នៅក្នុងសេចក្តីជូនដំណឹងរបស់ខ្លួន Foxconn សរសេរថា" ជាក្រុមហ៊ុនផលិតនាំមុខគេមួយ
នៅក្នុងប្រទេសចិន ប្រាក់ខែគោលរបស់បណ្តាបុគ្គលិកកំរិតទាបនៅតាមបណ្តារោងងចក្រ
របស់ Foxconn ទាំងអស់គឺសុទ្ធតែមានកំរិតខ្ពស់ជាងយ៉ាងច្រើន បើធៀបជាមួយប្រាក់ខែ
អប្បបរមាដែលអាជ្ញាធរក្នុងតំបន់បានដាក់ចេញ។ យើងខ្ញុំនឹងផ្គត់ផ្គង់ជាច្រើនបន្ថែមទៀត
នូវឱកាសនៃការហ្វឹកហ្វឺនបន្ថែមនិងពេលវេលាអប់រំ ក៏ដូចជាការបង្កើននូវទេពកោសល្យ
បច្ចេកទេស, ប្រសិទ្ធិភាពនិងប្រាក់ឈ្នួលដើម្បីក្លាយជាឧទាហរណ៍ដ៏ល្អមួយស្តីពីវិស័យ
ឧស្សាហកម្មផលិតរបស់ប្រទេសចិន "។

ដំណឹងស្តីពីការដំឡើងប្រាក់ខែអោយបុគ្គលិកនេះបានលេចចេញឡើងនៅបន្ទាប់ពីក្រុមហ៊ុន
Apple អោយដឹងថាខ្លួននឹងធ្វើយុទ្ធនាការត្រួតពិនិត្យយ៉ាងល្អិតល្អន់បំផុតដែលមិនធ្លាប់មាន
ពីមុនមកស្តីពីល័ក្ខខ័ណ្ឌធ្វើការនៅតាមបណ្តារោងចក្រជាដៃគូររបស់ពួកគេ។ ទាំង Apple និង
ជាពិសេសនោះគឺ Foxconn សុទ្ធតែត្រូវទទួលរងពាក្យរិះគន់យ៉ាងខ្លាំងក្លាពីមជ្ឈដ្ឋានទូទៅស្តី
ពីស្ថានភាពធ្វើការងារដ៏អាក្រក់របស់បណ្តាបុគ្គលិកនៅក្នុងរោងចក្រផលិត iPhone, iPad ។
មិនតែប៉ុណ្ណោះមានកម្មការកម្មការិនីជាច្រើននាក់របស់រោងចក្រ Foxconn បានធ្វើអត្តឃាត
កាលពីឆ្នាំ ២០១០ ទៀតផង។ កាលពីខែមិថុនា ឆ្នាំ ២០១១ មានហេតុការណ៍ផ្ទុះមួយនៅក្នុង
រោងចក្រ Foxconn ក្នុងខែត្រ Chengdu ភាគខាងលិចប្រទេសចិនបានបណ្តាលអោយមនុស្ស
បីនាក់បាត់បង់ជីវិត។

កាលពីខែមុន ទំព័រ New York Times បានធ្វើការចុះផ្សាយនូវដំណឹងមួយស្តីអំពីការចុះត្រួត
ពិនិត្យយ៉ាងល្អិតល្អន់លើល័ក្ខខ័ណ្ឌធ្វើការងាររបស់បណ្តាកម្មករកម្មការិនីទាំងឡាយនៅក្នុង
រោងចក្រផលិតអោយ Apple នៅក្នុងប្រទេសចិន ដែលក្នុងនោះបានអោយដឹងថាសុខភាព
របស់ពួកគេសុទ្ធតែមានផលប៉ះពាល់យ៉ាងខ្លាំង មជ្ឈដ្ឋានធ្វើការងារខ្វះសន្តិសុខនិងត្រូវធ្វើ
ការងារច្រើនម៉ោង។ ជាការឆ្លើយតប Apple បាននិយាយថាខ្លួននឹងចាប់ផ្តើមចុះធ្វើយុទ្ធនា
ការត្រួតពិនិត្យលើល័ក្ខខ័ណ្ឌការងារនៅក្នុងរោងចក្រនោះចាប់ពីថ្ងៃទី ១៤ កុម្ភៈកន្លងមកថ្មីៗ
នេះ។

ប៉ុន្តែទោះជាយ៉ាងណាក្តី នៅក្នុងបទសម្ភាសមួយជាមួយប្រភពពត៌មាន Reuters កាលពីថ្ងៃ
ទី ១៥ ខែកុម្ភៈ កន្លងទៅនេះ អគ្គនាយកនៃសមាគមន៍ការងារស្មើភាពគ្នាហៅកាត់ជាភាសា
អង់គ្លេសថា FLA បានអោយដឹងថាល័ក្ខខ័ណ្ឌការងារនៅក្នុងរោងចក្រ Foxconn ក្នុងប្រទេស
ចិននេះគឺមានលក្ខណៈប្រសើរជាងរោងចក្រកាត់ដេរមួយចំនួន ក៏ដូចជារោងចក្រផ្សេងៗជា
ច្រើនទៀតនៅក្នុងប្រទេសនេះ៕

ប្រភព៖ Reuter
ដោយ៖ រស្មី