ពេលមានស្នេហា ហេតុអ្វីមនុស្ស ហ៊ានធ្វើគ្រប់យ៉ាង?
ជាលើកដំបូង ក្រុមអ្នកស្រាវជ្រាវបានរកឃើញមូលហេតុដែលធ្វើឱ្យស្នេហាអាចមានឥទ្ធិពលបណ្ដាលឱ្យមនុស្សយើងមោហ៍បាំង ត្រៀមខ្លួនធ្វើអ្វីគ្រប់យ៉ាង សូម្បីតែពេល “ដឹងខ្លួន” ក៏យល់ថា ជារឿងឆ្កួតៗ មិនសមហេតុផល។
បច្ចេកវិទ្យាស្កែនជីវិតសាស្ដ្រ បានបង្ហើបឱ្យក្រុមអ្នកឯកទេសផ្នែកសរសៃប្រសាទ យល់ដឹងនូវបណ្ដារូបភាពដ៏ចម្លែក ស្ដីអំពីអ្វីដែលបានកើតឡើងក្នុងខួរក្បាលរបស់មនុស្សដែល “ត្រូវស្នេហ៍។
ក្រុមអ្នកវិទ្យាសាស្ដ្របានបង្កើតផែនទីបង្ហាញអំពីការផ្លាស់ប្ដូរក្នុងខួរក្បាល ទន្ទឹមនឹងនេះ ក៏បានរកឃើញផ្នែកមួយចំនួនរបស់ខួរក្បាលដែលត្រូវទទួលឥទ្ធិពល ក៏ដូចជាផ្នែកដែលផ្អាកសកម្មភាពក្នុងអំឡុងពេលមានស្នេហា។
នៅពេលមានស្នេហា តំបន់គ្រប់គ្រងភាពភ័យខ្លាច អារម្មណ៍អវិជ្ជមាន ឬការវិនិច្ឆ័យ ក្នុងខួរក្បាលរបស់មនុស្សដែលធ្លាក់ក្នុងអន្លង់ស្នេហ៍ ត្រូវផ្អាកសកម្មភាព។
ក្រៅពីអារម្មណ៍សុភមង្គល ស្នេហាក៏បណ្ដាលឱ្យមនុស្សក្លាយជាព្រួយបារម្ភ និងទន់ជ្រាយ។ នោះគឺដោយសារតែសារធាតុគីមី dopamine ក្នុងខួរក្បាលរបស់មនុស្សកំពុងមានស្នេហា មានចំនួនច្រើនជាង មនុស្សនៅទំនេរ។
សារធាតុគីមី dopamine មានតួនាទីសំខាន់ចំពោះបទពិសោធរបស់មនុស្ស ទៅលើភាពសប្បាយរីករាយ ទុក្ខសោក ទាក់ទិននឹងមហិច្ឆតា ភាពញៀន និងវេទនារម្មណ៍។ ការកើនឡើងនៃធាតុគីមី dopamine នេះ អាចនាំឱ្យមានអារម្មណ៍ថាទទួលបានរង្វាន់ បណ្ដាលឱ្យមនុស្ស ពិបាកនឹងបោះបង់ស្នេហា។
ស្នេហា ដូចទៅនឹងវត្ថុធាតុធ្វើឱ្យញៀន បណ្ដាលឱ្យមនុស្សធ្វើអ្វីៗដើម្បីយកបានវា។ Hormone នេះ ក៏បណ្ដាលឱ្យបេះដូងរបស់យើង លោតដុកដាក់ៗ ក្នុងទ្រូង ហើយបាតដៃ បាតជើង ចេញញើសច្រើន ចំណែកមាត់ប្រែជាស្ងួត ល្វីង នៅពេលឃើញ ឬនៅក្បែរមនុស្សដែលខ្លួនស្រមៃនឹក។
ក្រុមអ្នកចិត្តសាស្ដ្រ នៅតែបន្ដប្រឹងប្រែងដើម្បីស្វែងយល់អំពីមូលហេតុដែលនាំឱ្យអ្នកខ្លះ មោហ៍បាំងរហូតដល់បង្កគ្រោះថ្នាក់ និងហ៊ានធ្វើរឿងអ្វីៗ សម្រាប់ស្នេហា។ បណ្ដាមនុស្សដែលងាយនឹងធ្លាក់ក្នុងរណ្ដៅស្នេហា ភាគច្រើនគឺមនុស្សដែលសម្បូរមនោសញ្ចេតនា និងពូកែស្រមើស្រមៃ។
អត្ថបទសំខាន់ៗគួរចាប់អារម្មណ៍ ៖
វិធីសង្គ្រោះជីវិតបន្ទាន់ នៅពេលជួបគ្រោះថ្នាក់ រថយន្ដធ្លាក់ចូលទឹកជ្រៅ
ហេតុអ្វី មនុស្សមានអបិយជំនឿ ?
ធនាគារ ដែលធំជាងគេទាំង ១០ លើពិភពលោក
ប្រែសម្រួលដោយ ៖ តារា
ប្រភព ៖ Dailymail
- ខ្ញុំមិនមែនជាមនុស្សដែលបោះបង់ដោយងាយទេ ប៉ុន្តែនៅពេលដែលខ្ញុំសម្រេចចិត្តចាកចេញប្រហែលជាខ្ញុំទទួលយកការ (16/11/2018 14:48:00)
- ស្រលាញ់គ្នាដំបូងតែងខ្លួនស្អាតបាត ដល់ពេល ៥ ឆ្នាំកន្លងទើបចេញចារឹកស្សុីន របស់ខាងប្រុស (22/08/2017 15:50:00)
- "អត់លិឍ" ល្បីដល់ BBC ព្រោះ ក្រេបទឹកឃ្មុំ ក្លាយជា ក្រេបទឹកខ្មេះ (13/07/2016 09:47:00)
- ផ្អើលមួយទ្វីបលោក យុវតី វ័យ ១៩ ឆ្នាំ ដឹងខ្លួន ពេលកំពុង វះកាត់ ដុំសាច់ ដុះក្នុងខួរក្បាល (08/01/2015 14:47:00)
- អត្ថប្រយោជន៏ដ៏សំបូរបែប នៃការទទួលទានគ្រាប់ថ្នាំខ្លាញ់ត្រីជាប្រចាំ (14/10/2014 06:55:00)
- ៥ប្រការដែល Facebook អាចជះផលអាក្រក់ ដល់ស្នេហារបស់អ្នក (21/02/2014 13:45:00)
- អ្នកវិទ្យាជាសាស្ដ្រ រកឃើញរសជាតិពិត របស់ស្នេហា (27/01/2014 10:05:28)
- ធ្វើបែបណាដឹងថា គាត់ស្រឡាញ់អ្នក ដោយស្មោះ? (21/12/2013 21:50:00)
- រកឃើញវិធីថ្មី ដើម្បីលុបរឿងអាក្រក់ ចេញពីខួរក្បាល (04/12/2013 21:16:00)
- តើខ្ញុំគួរធ្វើយ៉ាងណា ទើបអាចបំភ្លេចគេបាន? (02/11/2013 11:31:00)
យល់ដឹង ដែលមើលច្រើន
