ផ្គាយព្រះគ្រោះ ហោះក្បែរផែនដី យប់នេះ ៖ ចម្ងាយជិតជាង ផ្កាយរណបអាកាសធាតុ តើអាចបុកផែនដី?
ផ្កាយព្រះគ្រោះមួយ នឹងហោះមកក្បែរផែនដី នៅថ្ងៃអាទិត្យនេះ ហើយវាអាចមើលឃើញច្បាស់
ពី New Zealand ព្រោះតែ មានចម្ងាយជិតជាងបណ្ដាផ្កាយរណបអាកាសធាតុរបស់មនុស្ស។
ភពព្រះគ្រោះ 2014 RC ហោះជិតផែនដី ជាងផ្កាយរណបទៅទៀត
ភពព្រះគ្រោះ 2014 RC នេះ ត្រូវបានរកឃើញកាលពីខែសីហា ដោយមជ្ឈមណ្ឌលត្រួតពិនិត្យ
អវកាស Catalina នៅក្រុង Tucson រដ្ឋ Arizona ។ ទីភ្នាក់ងារអវកាស អាមេរិក (NASA) ឱ្យដឹងថា
វាបង្ហាញខ្លួននៅប៉ុន្មានយប់ជាប់ៗ ហើយត្រូវបានពិនិត្យមើលដោយកែវយឹតតារាសាស្ដ្រ Pan-
STARRS 1 ដែលមានទីតាំងនៅលើកំពូលភ្នំ Haleakalā របស់កោះ Maui ស្ថិតនៅក្នុងប្រជុំកោះ
Hawaii ។
2014 RC ត្រូវបានគន់គូរឃើញថា នឹងហោះមកក្បែរផែនដី ដោយមានចម្ងាយប្រហែល ១ភាគ
១០ នៃចម្ងាយពីផែនដី ទៅព្រះចន្ទ (ចម្ងាយពីផែនដីទៅព្រះចន្ទ គឺ ៣៨៤.៤០០ km)។ នៅកន្លែង
ដែលជិតបំផុត វានឹងស្ថិតនៅពីលើ New Zealand ចម្ងាយប្រហែល ៣៤.០០០ គីឡូម៉ែត្រ គឺជិត
ផែនដីជាង បើធៀបនឹងបណ្ដាផ្កាយរណបអាកាសធាតុ ឬផ្កាយរណបភូមិសាស្ដ្រ (geostationary
satellites) ដែលតែងហោះចម្ងាយពីផែនដី ប្រហែល ៣៦.០០០ គីឡូម៉ែត្រ។
យោងតាមទំព័រ RT ភពព្រះគ្រោះ 2014 RC នឹងហោះឆ្លងកាត់ផែនដី ក្នុងថ្ងៃទី ៧កញ្ញានេះ នៅ
វេលាម៉ោងប្រហែល ១៨ និង ១៨នាទី (ម៉ោង GMT / ដើរក្រោយម៉ោងកម្ពុជា ប្រហែល ៧ម៉ោង)
គឺត្រូវនឹងម៉ោង ១យប់ ឈានចូលថ្ងៃទី ៨កញ្ញា ម៉ោងនៅកម្ពុជា។ ភពព្រះគ្រោះ 2014 RC ត្រូវ
បានគេព្យាករណ៍ថា នឹងមិនបង្កផលលំបាកដល់ផែនដីនោះទេ ប៉ុន្ដែ ការប្រែប្រួលរបស់ភពនេះ ត្រូវបានគេតាមដានយ៉ាងយកចិត្តទុកដាក់បំផុត ដើម្បីធានាថា នឹងមិនមានការប៉ះទង្គិចណាមួយ
កើតឡើង។
ក្រុមអ្នកវិទ្យាសាស្ដ្ររបស់ NASA ឱ្យដឹងថា អាចម៍ផ្កាយ ឬផ្កាយព្រះគ្រោះ អាចនឹងមើលមិនឃើញ
ដោយភ្នែកទទេ ព្រោះថា វាមានរូបរាងស្រអាប់ សូម្បីតែនៅក្នុងអាកាសធាតុអំណោយផល។ គួរ
រំលឹកថា មកដល់បច្ចុប្បន្ននេះអង្គការ NASA បានរកឃើញអាចម៍ផ្កាយ ឬភពព្រះគ្រោះ ចំនួន ជាង
១០.០០០ ស្ថិតក្នុងប្រព័ន្ធព្រះអាទិត្យ ដែលធ្លាប់ហោះកាត់ផែនដី និងមិនធ្លាប់បានបង្កគ្រោះថ្នាក់
ដល់មនុស្សលោក។
បើមិនអាចហោះមកធ្លាក់ និងបុកផែនដី តើ ភពព្រះគ្រោះ 2014 RC អាចប៉ះទង្គិចនឹងផ្កាយរណប
ដែលមានចំនួនយ៉ាងច្រើន កំពុងហោះជុំវិញផែនដី?
យ៉ាងណាក៏ដោយ មានសំនួរដែលសួរថា នៅពេលភពព្រះគ្រោះនេះ ហោះមកជិតផែនដី ជាង
បណ្ដាផ្កាយរណបទៀតនោះ តើមានអ្វីដែលអាចបញ្ជាក់បានប្រារព្ធថា វានឹងមិនមានការប៉ះទង្គិច
កើតឡើង? ក្នុងតំបន់នៃគន្លងគោចរ ដែលមានចម្ងាយពីផែនដី ប្រហែល ៣៦.០០០ គីឡូម៉ែត្រ គឺ
មានផ្កាយរណបរបស់មនុស្ស រាប់ស្ទើរតែមិនអស់ ដូច្នេះ បើមិនអាចហោះមកបុកផែនដី ក៏ 2014
RC នេះ អាចនឹងប៉ះទង្គិចជាមួយបណ្ដាផ្កាយរណប!
ប្រែសម្រួលដោយ ៖ តារា
ប្រភព ៖ RT/Daily Mail
- NASA ត្រូវបានស្នើឱ្យបញ្ជូនស្រោមអនាម័យទៅឱ្យមនុស្សភពផ្កាយ (05/10/2016 10:26:55)
- NASA សាកល្បងដោយជោគជ័យ នូវកាំជ្រួចកម្លាំងខ្លាំងបំផុតក្នុងលោក (05/07/2016 11:22:00)
- ប្រព័ន្ធចម្រោះទឹកនោមឱ្យទៅជាទឹកស្អាត របស់អ្នកអវកាស មានតម្លៃជាង ៥លានដុល្លារ (02/07/2016 10:44:00)
- លើកដំបូងដែល NASA និយាយអំពីមនុស្សភពក្រៅ និង “តំបន់ ៥១” (30/06/2016 10:35:00)
- NASA គ្រោងចាប់រូបភាពពិត នៃប្រហោងខ្មៅ (Black Hole) មួយដែលធំជាងព្រះអាទិត្យ ៣៥០លានដង (08/06/2016 14:08:00)
- ស្វែងយល់ពីវិទ្យាសាស្ត្រ៖ តើនឹងមានរឿងអ្វីកើតឡើង ប្រសិនបើផែនដីនេះឈប់វិល? (Video inside) (27/03/2016 10:50:00)
- ប្រទេសទាំង៩នៅពិភពលោក ដែលមានអាវុធនុយក្លែអ៊ែរប្រើប្រាស់ ក្នុងនោះប្រទេសរុស្ស៊ីនិងអាមេរិកច្រើនជាងគេបំផុត (13/03/2016 12:19:00)
- អាមេរិក ដាក់ពង្រាយយន្តហោះទម្លាក់គ្រាប់បែក B-2 ដែលផ្ទុកគ្រាប់នុយក្លេអ៊ែរ នៅតំបន់អាស៊ី (10/03/2016 16:55:00)
- បីថ្ងៃទៀតចូលរោងការ បែរជាអនាគតកូនកំលោះ ត្រូវចាប់ខ្លួនពីបទប្លន់ធនាគារ (08/03/2016 14:19:00)
- ថ្ងៃ២៩ កុម្ភៈ ត្រូវបានចាត់ទុកថា ជាថ្ងៃដែលនារីនៅប៉ែកអឺរ៉ុបអាចស្នើសុំមិត្តប្រុសរៀបការ (02/03/2016 17:04:00)
ព័ត៌មានបច្ចេកវិទ្យា ដែលមើលច្រើន
