ហ្វេសប៊ុក បានធ្វើតេស្តប៊ូតុង DownVote ដើម្បីស្រង់មតិយោបល់
នៅឆ្នាំ ២០១៥ នាយកប្រតិបត្តិក្រុមហ៊ុន Facebook លោក Mark Zuckerberg បានឆ្លើយតបនឹងសំនួរសួរចម្លើយអំពីបញ្ហាទាំងនេះដោយបាននិយាយថា “យើងមិនចង់បង្កើតប៊ូតុងមិនចូលចិត្ត (downvote) ទេ ព្រោះយើងមិនចង់ធ្វើឲ្យ Facebook ក្លាយទៅជាវេទិកាដែលអ្នកប្រើប្រាស់ចុចចូលចិត្ត ឬមិនចូលចិត្តនោះទេ។ នោះ មិនមែនជាអ្វីដែលយើងចង់បង្កើតឡើយ”។
ប៉ុន្តែក្នុងពេលបច្ចុប្បន្ននេះ Facebook កំពុងតែសាកល្បងប៊ូតុង downvote នៅលើគេហទំព័រសាធារណៈមួយផ្នែកតូចហើយ។
អ្នកនាំពាក្យរបស់ Facebook បានប្រាប់សារព័ត៌មាន TechCrunch ថាការជម្រុញពីក្រោយដើម្បីឲ្យមានប៊ូតុង DownVote នេះ គឺដើម្បីបង្កើតទម្រង់ងាយស្រួលក្នុងការផ្តល់ជាសញ្ញាមួយដល់ហ្វេសប៊ុកថា ការអត្ថាធិប្បាយ (Comment) ដែលបង្ហោះនៅលើហ្វេសប៊ុក វាមានភាពមិនសមរម្យ មិនគួរឲ្យជឿ ឬមិនត្រឹមត្រូវ។
នេះ គឺជាសេចក្តីថ្លែងការរបស់ Facebook ដែលបាននិយាយថា "យើង មិនមែនកំពុងតែសាកល្បងប៊ូតុងមិនចូលចិត្ត (DownVote) នេះទេ តែយើងកំពុងស្វែងយល់ពីលក្ខណៈពិសេសមួយសម្រាប់អ្នកប្រើប្រាស់ក្នុងការផ្តល់មតិយោបល់ត្រឡប់មកវិញទៅលើការបង្ហោះរបស់គេហទំព័រសាធារណៈ។ វា កំពុងតែសាកល្បងដំណើរការលើមនុស្សមួយក្រុមតូចចំនួន ៥% នៅសហរដ្ឋអាមេរិក ដែលកំពុងប្រើប្រាស់កម្មវិធី Android ជាមួយនឹងការកំណត់យកភាសាអង់គ្លេស"។
នៅពេលដែលចុចប៊ូតុង DownVote វានឹងឲ្យអ្នកប្រើប្រាស់ជ្រើសរើសនូវការរាយការណ៍បន្ថែមដូចជា "ការប្រមាថ" "ការបោកប្រាស់" និង "ចាកប្រធានបទ"។ ទាំងនេះ អាចជួយហ្វេសប៊ុក ក្នុងការរុករកនូវការអត្ថាធិប្បាយ (Comment) ដែលអ្នកលេងជាច្រើនជំទាស់ និងមិនពេញចិត្តដូចជា "ព័ត៌មានក្លែងក្លាយ" ឬ គ្មានការពាក់ព័ន្ធ ឬមតិយោបល់ដែលមិនគួរអោយជឿជាក់បានផងដែរ ៕
ប្រែសម្រួល ៖ ច័ន្ទ
ប្រភព៖ TechCrunch
- អ្នកណា ហ្វេន នាឡិកា Sumsung ខ្លះ? បន្តិចទៀត នឹងមានអ្វីប្លែកហើយ (12/07/2018 14:44:00)
- ពិធីណែនាំប្រធានថ្មីរបស់ឡានទំនើប Isuzu នៅក្នុងប្រទេសកម្ពុជា!! (03/04/2018 09:58:00)
- អែមហួស!!ចំណាយលុយ ១មុឺនដុល្លារ ដើម្បីទិញបង្គន់ ដែលអាចជួយអ្នកបានគ្រប់យ៉ាង ជៀសតែការជុះជំនួសប៉ុណ្ណោះ!! (26/03/2018 15:10:00)
- តោះទៅស្រាយចម្ងល់ជាមួយនិងពាក្យដែលត្រូវគេបោក នៅលើ Facebook!! (22/03/2018 09:39:00)
- Google នឹងហាមឃាត់រាល់ការផ្សាយពាណិជ្ជកម្ម ទាក់ទងនឹងរូបិយប័ណ្ណ Digital (15/03/2018 10:43:00)
- ក្រសួងកំពុងស្វែងរកវិធីការពារ ការ Hack (14/03/2018 16:32:00)
- ក្រុមហ៊ុន Xiaomi វ៉ាដាច់ក្រុមហ៊ុន Samsung នៅក្នុងទីផ្សារស្មាតហ្វូន (27/01/2018 09:23:00)
- គ្រាន់តែមានខ្សែដៃនេះ ត្រីឆ្លាមមិនហ៊ានចូលជិតអ្នកឡើយ (វីដេអូ) (16/01/2018 11:43:00)
- ហ្គេមថ្មីៗ ចំនួនប្រាំ ដែលនឹងចេញក្នុងខែមករាឆ្នាំ ២០១៨ (06/01/2018 09:24:00)
- ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!! (05/12/2017 15:54:00)
ផលិតផលថ្មី ដែលមើលច្រើន
