CamNews

Galaxy S III ប្រើប្រាស់អេក្រង់ប្រភេទ Super AMOLED resolution HD ។ សមិទ្ធិផល
នេះប្រើប្រាស់ chip Quad core ល្បឿន ១,៤GHz និងចាប់ផ្តើមចេញលក់នៅចុងខែ
ឧសភានេះហើយ។

Samsung បានហៅព្រឹត្តិការណ៍នេះថាគឺជាថ្ងៃដាក់បង្ហាញវត្តមានសមិទ្ធិផលធំបំផុតប្រចាំឆ្នាំរបស់
ខ្លួន។ JK Shin អ្នកគ្រប់គ្រងផ្នែកឧបករណ៍ចល័តរបស់ Samsung បានកាន់ model ថ្មីនេះនៅក្នុងដៃ
របស់ខ្លួននិងបាននិយាយថា សមិទ្ធិផលនេះប្រើប្រាស់អេក្រង់ប្រភេទ Super AMOLED មានទំហំ
៤,៨អ៊ីង ,កាមេរ៉ាក្រោយទំហំ ៨ megapixel និងដំណើរការលើប្រព័ន្ធប្រតិបត្តិការ Android 4.0 ។

Galaxy S III ប្រើប្រាស់ chip Quad core Exynos 4212 Quad ល្បឿន ១,៤GHz ផ្អែកលើមូលដ្ឋាន
គ្រឹះ ARM Cortex និងមាន RAM ទំហំ ១GB ។ សមិទ្ធិផលនេះមានកំរាស់ ៨,៦ មីលីម៉ែត្រ គឺក្រាស់
ជាងកំណែកាលពីឆ្នាំកន្លងទៅ។ កាមេរ៉ាក្រោយទំហំ ៨ megapixel អនុញ្ញាតអោយអ្នកប្រើប្រាស់
អាចថតវីដេអូ Full HD ជាមួយនឹងភ្លើង flash និងកាមេរ៉ាខាងមុខមានទំហំជិត ២ megapixel ។ ដូច
គ្នានឹងគំរូរបស់ HTC One X ដែរ  Galaxy S III នេះក៏អាចថតវីដេអូ និងរួបភាពក្នុងពេលតែមួយបាន
ផងដែរ។

បណ្តាអ្នកតំណាងរបស់ Samsung បានសង្កត់ធ្ងន់លើការរចនាម៉ូដរបស់សមិទ្ធិផលនេះថាបានយក
គំនិតចេញពីទឹក ខ្យល់ ថ្ម រឺស្លឹកឈើ ។ Galaxy S III មានពីរពណ៌គឺពណ៌ស និងពណ៌ខៀវចាស់។
ក្រុមហ៊ុនបានអោយដឹងទៀតថា សមិទ្ធិផលថ្មីនេះមានអេក្រង់មួយដ៏វៃឆ្លាត ដែលមានសមត្ថភាពអាច
ស្គាល់មុខអ្នកប្រើប្រាស់ អាចយល់ចិត្ត និងស្តាប់បង្គាប់ទៀតផង។

ចំពោះការប្រើប្រាស់គេហទំព័រកំសាន្តសង្គមវិញ Samsung ក៏បានអោយដឹងដែរថាសមិទ្ធិផលថ្មីនេះ
មានសមត្ថភាពអាចធ្វើការតភ្ជាប់ជាមួយ Wi-Fi Direct, បច្ចេកវិទ្យា NFC។ ដោយឡែកក្រុមហ៊ុនក៏បាន
ធ្វើការអភិវឌ្ឍន៍នូវបច្ចេកវិទ្យាចែករំលែករូបភាពចូលទៅកាន់អេក្រង់មានទំហំធំដែលក្រុមហ៊ុនអោយ
ឈ្មោះថា All Share Play ។ មុខងារ Direct Call អនុញ្ញាតអោយអ្នកប្រើប្រាស់នៅពេលដែលកំពុងតែ
សរសេរអត្ថបទ គឺគ្រាន់តែកាន់ទូរស័ព្ទនេះមកជិតខ្លួន នោះការសន្ទនារនឹងត្រូវបានចាប់ផ្តើមដំណើរ
ការភ្លាម។

ខុសពីបណ្តាឆ្នាំមុនៗ ដែលបានជ្រើសរើសយក MWC ធ្វើជាកន្លែងឧទ្ទេសនាមសមិទ្ធិផលថ្មីរបស់ខ្លួន,
ព្រឹត្តិការណ៍ Mobile Unpacked ២០១២ ឆ្នាំនេះត្រូវបាន Samsung ប្រារព្ធធ្វើឡើងនៅឯទីក្រុង London
ក្នុងប្រទេសអង់គ្លេស។ ឆាកវេទិការត្រូវបាន Samsung តុបតែងរំលេចនូវពណ៌ចំនួនពីរគឺពណ៌ស និង
ពណ៌ខៀវ ដែលគឺជាពណ៌ចំបងនៃសមិទ្ធិផលថ្មីរបស់ខ្លួននេះតែម្តង និងមានអតិថិជនចូលរួមក្នុងកម្ម
វិធីប្រមាណជា ១០០០ នាក់។

Smartphone ថ្មីរបស់ Samsung នេះបានចាប់កំណើតឡើងនៅខណៈពេលដែលក្រុមហ៊ុនទើបតែ
ទទូលបានតំណែងលំដាប់លេខ ១ លើទីផ្សារទូរស័ព្ទចល័តនៅក្នុងពិភពលោក។ ហើយកាលពី
សប្តាហ៍មុនក្រុមហ៊ុននេះក៏ទើបតែបានធ្វើសេចក្តីប្រកាសពីប្រាក់ចំណូលរបស់ខ្លួនមានចំនួនយ៉ាង
ច្រើនរហូតដល់ ៥,២ ពាន់លានដុល្លាអាមេរិកឯណោះ ដែលក្នុងនោះក្រុមហ៊ុនបានអោយដឹងថាគឺ
ទទួលបានជោគជ័យដ៏ធំធេងចេញពីសមិទ្ធិផល Galaxy S II ។

Galaxy S III នេះត្រូវបានក្រុមហ៊ុនសង្ឃឹមថានឹងនាំចំណូលយ៉ាងច្រើនបន្ថែមទៀតសំរាប់ខ្លួន និង
តាមការគ្រោងទុកសមិទ្ធិផលថ្មីនេះនឹងលក់បានលើសពី ២០ លានគ្រឿងឯណោះនៅពេលចេញ
លក់ជាផ្លូវការ និងជាតួលេខមួយមានចំនួនយ៉ាងច្រើនបើធៀបជាមួយកំណែមុន។ បើយោងតាមការ
លើកឡើងរបស់អ្នកឯកទេសវិភាគជាច្រើនអោយដឹងថា Galaxy S III នេះគឺជាគូរប្រជែងយ៉ាងខ្លាំង
ក្លាបំផុតរបស់បណ្តាក្រុមហ៊ុនល្បីៗជាច្រើន និងដែលអាចជួយអោយ Samsung នៅរក្សាបានតំណែង
នាំមុខគេខាងផ្នែកទីផ្សារទូរស័ព្ទចល័តលើពិភពលោកទៀតផង។

Galaxy S III នឹងត្រូវបានដាក់លក់នៅក្នុងប្រទេសចំនួន ១៤៥ នៅក្នុងពិភពលោក និងធ្វើការចែក
ចាយដោយក្រុមហ៊ុនផ្គត់ផ្គង់ប្រព័ន្ធអ៊ីនធើណែតចំនួន ២៩៦។ ដំបូងគឺនៅទ្វីបអឺរ៉ុប នៅក្នុងចុងខែ
ឧសភានេះ។ សមិទ្ធិផលមានបីកំណែដែលនឹងចេញលក់គឺ ១៦ ,៣២ និង ៦៤GB ៕

                                                                                              ប្រភព៖ Engadget
                                                                                              ដោយ៖ រស្មី