CamNews

ភ្នំពេញ ថ្ងៃទី ២៦ ខែកុម្ភៈ ឆ្នាំ២០១៥--​សេដ្ឋកិច្ចប្រទេសកម្ពុជាកើនឡើងយ៉ាងស្រួចស្រាល់ក្នុង រយៈពេលប៉ុន្មានឆ្នាំថ្មីៗនេះ។​ ការវិនិយោគទៅលើ វិស័យអចលនទ្រព្យ ផ្សារទំនើប​ និងអាជីវកម្មទាំងខ្នាតតូច និងមធ្យមជាច្រើន បាននឹងកំពុងរីកដុះដាលយ៉ាងឆាប់រហ័សផងដែរ ប៉ុន្តែអាជីវកម្មដែលទទួលបានភាពជោគជ័យ ព្រមជាមួយនិងប្រាក់ចំណូលជាវិជ្ជមានប្រ​ចាំឆ្នាំ គួប្បីត្រូវតែយល់ដឹង នឹង យកចិត្តទុកដាក់យ៉ាងខ្លាំងបំផុតចំពោះសន្តិសុខ សុវត្ថិភាព អតិថិជន ធនធាន ទ្រព្យសម្បត្តិ និងបុគ្គលិកឲ្យបានល្អបំផុត។

 ថ្ងៃនេះយើងសូមលើកយក ប្រព័ន្ធបច្ចេកវិទ្យា សន្តិសុខ សុវត្ថិភាព ៥ប្រភេទ ដ៏រឹងមាំ និងសុវត្ថិភាពបំផុតសម្រាប់អាជីវកម្ម របស់លោកអ្នក។ ប្រព័ន្ធសុវត្ថិភាពទាំងអស់នេះនឹងជួយឲ្យការ
វិនិយោគឬអាជីវកម្មរបស់លោកអ្នក​ទទួលបាននូវការការពារ នឹងទប់ទល់ទៅនិងការបាត់បង់សម្ភារៈរបស់បុគ្គលិក និងអតិថិជន៖

 ១.​ កាមេរ៉ាវីដេអូ សុវត្ថិភាព​ ​( Video Surveillance​​)

ប្រព័ន្ធកាមេរ៉ាវីដេអូ សុវត្ថិភាពដែលរួមមាន ប្រភេទជា Analog, Thermal និងប្រើដោយ IP  គឺជាប្រភេទកាមេរ៉ា ផ្តល់សុវត្ថិភាពនិងសន្តិសុខដ៏មានប្រសិទ្ធិភាពបំផុត ចំពោះ​ក្រុមហ៊ុន សហគ្រាស ឬក៏អាជីវកម្មរបស់លោកអ្នក។ វាធានាបានជាអតិបរិមាពីសុវត្ថិភាពទាំងអតិថិជន និងទ្រព្យសម្បត្តិរបស់លោកអ្នក។ CCTV សន្សំសំចៃខ្ពស់ ទៅលើការចំណាយផ្សេងៗ ពីព្រោះវា
មាន​ បច្ចេកវិទ្យាខ្ពស់បំផុតសម្រាប់រក្សាសុវត្ថិភាពបុគ្គលិកនិងអតិថិជន។ ប្រភេទកាមេរ៉ាទាំងអស់នេះ ផ្តល់ព័ត៌មាននិងទីតាំងដ៏ជាក់លាក់បំផុត នឹងអាចផ្លាស់ប្តូរពីតាំងមួយ ទៅទីតាំង
ផ្សេងៗទៀត។ វាថតរាល់សកម្មភាព ទាក់ទងនិង ចោរកម្ម ការបន្លំ ពីបុគ្គលិក ឬក៏ពីអតិថិជនខិលខួច។ មិនតែប៉ុណ្ណោះវាក៏អាចគ្រប់គ្រងច្រកចេញចូល របស់ក្រុមហ៊ុន អាជីវកម្មលោកអ្នកដ៏មានប្រសិទ្ធិភាពផងដែរ។

២.​ ប្រព័ន្ធគ្រប់គ្រងច្រកចេញចូល (​Access Control)

ប្រព័ន្ធគ្រប់គ្រងច្រកចេញចូល​(Access Control )គឺជាជម្រើសដ៏ល្អបំផុតដើម្បីការពារសុវត្ថិភាព ច្រកចេញចូល ទៅកាន់ទីតាំង និងទីកន្លែងសំខាន់ៗផ្សេងៗនៃទីតាំងអាជីវកម្ម ក្រុមហ៊ុន សហគ្រាស ផ្សារទំនើប នានា ។ ប្រព័ន្ធគ្រប់គ្រងច្រកចេញចូល មិនត្រឹមតែជួយការពារ
ឯកសារ សម្ភារៈ និងសន្តិសុខសុវត្ថិភាពផ្សេងៗក្នុងទីតាំងអាជីវកម្មរបស់លោកអ្នកប៉ុណ្ណោះទេ  វាថែមទាំងជួយកាត់បន្ថយនូវហានិភ័យខ្ពស់ពីការរំខាននៅក្នុងកន្លែងការងារនិងទីតាំងអាជីវកម្មរបស់លោកអ្នក ព្រមទាំងជួយការពារបុគ្គលិក និងអតិថិជន ចំពោះការចេញចូលកន្លែងការងារឬទីតាំងអាជីវកម្មរបស់លោកអ្នកដោយមិនមានការអនុញាតផងដែរ។

៣ ប្រព័ន្ធគ្រប់គ្រងបុគ្គលិក និងប្រាក់បៀរវត្តរ៏ ( Payroll System​​)

យើងដឹងថាក្រុមហ៊ុន អាជីវកម្មរបស់លោកអ្នកពិតជាជួបនូវផលលំបាកជាច្រើនចំពោះការគ្រប់គ្រងបុគ្គលិក ប្រាក់បៀរវត្តរ៏ និងបញ្ហាពីសុវត្ថិភាពផ្សេងៗទាក់ទងនិងប្រាក់ខែរបស់
បុគ្គលិក។ ជម្រើសដ៏វៃឆ្លាតបំផុត ដើម្បីជួយសម្រាលផលលំបាកទាំងអស់នោះ​ យើងសូមណែនាំលោកអ្នកនូវប្រព័ន្ធគ្រប់គ្រងបុគ្គលិក និងប្រាក់បៀរវត្តរ៏បុគ្គលិក​(Payroll System)។  ប្រព័ន្ធមួយនេះ មានមុខងារ ច្រើនជាងការគណនាប្រាក់បៀវត្សន៏ និង ព្រីន​ បញ្ជីប្រាក់ខែនោះទៅទៀត។ វាផ្តល់អ្នកប្រើប្រាស់ នូវការគ្រប់គ្រងការចំណាយរបស់ក្រុមហ៊ុនទៅលើការងាររបស់បុគ្គលិក។ ជាងនេះទៅទៀត វាក៏ជួយដល់ផ្នែកធនធានមនុស្សឲ្យដំណើរការបានយ៉ាងរលូនផងដែរ។ ប្រព័ន្ធដ៏ទំនើបមួយនេះ​នឹងគណនា ប្រាក់បៀរវត្តរ៏ អត្រាកាត់ពន្ធជូនរដ្ឋ សេវាធានារាប់រងសុខភាព និងសេវាផ្សេងៗទៀតរបស់បុគ្គលិកម្នាក់ៗប្រចាំខែនីមួយៗ បានយ៉ាងជាក់លាក់ មិនតែប៉ុណ្ណោះវាផ្តល់អ្នកប្រើប្រាស់នូវការគ្រប់គ្រងដ៏ល្អទៅនិងទិន្និន័យផ្សេងៗ ព្រមទាំងកាត់បន្ថយពេលវេលាលើការគណនា បានយ៉ាងរហ័ស។

៤ ប្រព័ន្ធគ្រប់គ្រងចំណតយានយន្ត​( Car Parking System​ )

បញ្ហាបាត់បង់សម្ភារៈផ្សេងៗដូចជា ការបាត់បង់រថយន្ត ម៉ូតូ របស់បុគ្គលិក និងអតិថិជនតែងតែកើតមានជារឿយៗនៅតាមបណ្តា ចំណតយានយន្តមួយចំនួននៅក្នុងរាជធានីភ្នំពេញ ក៏ប៉ុន្តែបញ្ហាទាំងអស់នោះមិនពិបាកក្នុងការគ្រប់គ្រងនោះទេ បើសិនជាចំណត់យានយន្តលោកអ្នកបំពាក់ប្រព័ន្ធគ្រប់គ្រងចំណតយានយន្ត។ ប្រព័ន្ធគ្រប់គ្រងចំណតយានយន្តមួយនេះ និងជួយឲ្យទ្រព្យសម្បត្តិរបស់ បុគ្គលិក អតិថិជនរបស់លោកអ្នកមានសុវត្ថិភាព នឹងផ្តល់ អ្នកប្រើប្រាស់យានយន្តនូវភាពងាយស្រួលក្នុងការប្រើប្រាស់ចំណត ជាពិសេសចំណតក្នុងផ្សារទំនើប និងក្រុមហ៊ុន អាជីវកម្មផ្សេងៗដែលស្ថិតនៅទីប្រជុំជន។ ប្រព័ន្ធគ្រប់គ្រងចំណតយានយន្ត ជួយសន្សំសំចៃពេលវេលា ប្រាក់កាក់  ហើយនឹងបង្កភាពងាយស្រួល និងកាត់បន្ថយភាពនឿយហត់ក្នុងការរកចំណត។ វានឹងផ្តល់ដំណឹងពីភាពមិនប្រក្រតីក្នុងចំណត ចំពោះបញ្ហា
ផ្សេងៗ។

៥ ប្រព័ន្ធគ្រប់គ្រងការចេញចូលរបស់អតិថិជន​ ​( Visitor Management System​)

គ្រប់ក្រុមហ៊ុន​ ផ្សារទំនើប ឬក៏អាជីវកម្មទាំងអស់ តែងតែផ្តល់តម្លៃដល់អតិថិជនថាជា សេ្តច ដូច្នេះរាល់តម្លៃ ទីតាំង សម្ហារៈ នានា​ត្រូវបានរៀបចំប្រកដដោយភាពទាក់ទាញ ដើម្បីបម្រើដល់អតិថិជន ក្នុងន័យមួយគឺចង់ឲ្យមានអតិថិជនចេញចូលឲ្យបានច្រើនក្នុងហាង ក្រុមហ៊ុនអាជីវកម្មរបស់ពួកគេ។ យ៉ាងណាមិញ សុវត្ថិភាព អតិថិជន សម្ហារៈ របស់អ្នក ក៏ដូចជា សម្ហារៈរបស់អតិថិជនក៏ត្រូវបានការពារដោយយកចិត្តទុកដាក់ផងដែរ។ ក្រុមហ៊ុន សហគ្រាស ផ្សារទំនើប និងអាជីវកម្ម ដែលគិតគូពីសុវត្ថិភាពទាំងអស់នោះគួរតែមាន ប្រព័ន្ធបច្ចេកវិទ្យាគ្រប់គ្រងអតិថិជន។ ប្រព័ន្ធបច្ចេកវិទ្យាប្រភេទនេះ គឺតាមដានរាល់ការចេញ ចូលរបស់អតិថិជន ឬភ្ញៀវដែលចូលមកកាន់ក្រុមហ៊ុន និងទីតាំងអាជីវកម្មរបស់លោកអ្នក។ ជាមួយនិងប្រព័ន្ធទំនើបនេះ លោកអ្នកមានសមត្ថភាពក្នុងការពន្លឿននូវដំណើរការចុះឈ្មោះ កំណត់គោលដៅអតិថិជនណាមួយដែលស្ថិតនៅក្នុងក្រុមហ៊ុន នឹងផ្តល់ដំណឹង ចំពោះភ្ញៀវដែលមានចេតនាក្នុងកន្លែងហាមឃាត់។​ ប្រព័ន្ធដែលបំពាក់ឡើងជាមួយបច្ចេកវិទ្យាចុងក្រោយបង្អស់មួយនេះ នឹង ពង្រឹងសន្តិសុខ សុវត្ថិភាពនៅក្នុងក្រុមហ៊ុន នឹងនាំមកនូវអារម្មណ៏សុខសុវត្ថិភាពចំពោះបុគ្គលិក និងភ្ញៀវរបស់លោកអ្នក នឹងបង្ហាញពីការយកចិត្តដាក់ដ៏អស្ចារ្យដល់អតិថិជន និងធ្វើឲ្យប្រសើរឡើងនូវមុខមាត់ក្រុមហ៊ុន​ផងដែរ។

ដោយ សុខ ចាន់, ក្រុមហ៊ុន មេគង្គណិត