ទីក្រុងដែលមានតែមនុស្ស អាក្រាតកាយ ទាក់ទាញចំណាប់អារម្មណ៍បំផុត នៅបារាំង

ប្លែកៗ

ទីក្រុងដែលមានតែមនុស្ស អាក្រាតកាយ ទាក់ទាញចំណាប់អារម្មណ៍បំផុត នៅបារាំង

11:06 PM 21.10.2013
Print Email

នៅអាមេរិក ការអាក្រាតកាយក្នុងតំបន់ខ្លះ គឺសម្រាប់តែមនុស្សពេញវ័យ និងភាគច្រើនគឺបុរស ប៉ុន្ដែ នៅក្រុង Cap D’Agde ក្នុងតំបន់ Adge របស់បារាំងវិញ មនុស្ស ៩៩% បានអាក្រាតកាយ។ នៅទីនេះ អ្នកអាចដោះខោអាវដោយសេរី និងទៅកាន់កន្លែងណាក៏បាន ដែលអ្នកចូលចិត្ត ដូចជា ទៅផ្សារទំនើប ហូបអាហារនៅខាងក្រៅ ឬមួយទៅធនាគារ ឬក៏ការិយាល័យនគរបាល។ល។

ទីក្រុងអាក្រាត ៩៩ ភាគរយ

ស្ថិតនៅភាគនិរតីរបស់ប្រទេសបារាំង ទីក្រុង Cap D’Agde មានចម្ងាយត្រឹមតែ ៥គីឡូម៉ែត្រ ពីព្រលានយន្ដហោះ Montpellier ។ ក្រៅពីនេះ តំបន់នេះក៏មានជើងហោះហើរផ្ទាល់ពីព្រលានយន្ដហោះ Béziers-Cap d’Agde ទៅ Paris, Copenhagen ។ បច្ចុប្បន្ន Cap D’Agde មានប្រជាជន ៤០,០០០នាក់។

ដូចទៅនឹងតំបន់ទេសចរណ៍ដទៃ នៅទីនេះ មានឆ្នេរសមុទ្រដ៏ស្រស់ស្អាត មានល្បែងកីឡា ល្បែងកម្សាន្ដដ៏សប្បាយរីករាយ ព្រមទាំងហាងទំនើបៗរាប់មិនអស់ផងដែរ។ ប៉ុន្ដែ អ្វីដែលប្លែកជាងគេ និងពិសេសជាងគេ នោះគឺ មនុស្សចំនួន ៩៩% នៅ Cap D’Agde ចូលចិត្តអាក្រាតកាយ។ ចំណែក ១% ដែលនៅស្លៀកពាក់ធម្មតា គឺជាកីឡាករបាល់ទាត់វ័យក្មេង និងយុវវ័យ។ ដោយសារតែមានភាគរយតិច ដូច្នេះ មនុស្សដែលស្លៀកពាក់ធម្មតា តែងមានអារម្មណ៍ថា ខ្លួនឯងខុសគេ។

ទីក្រុងអាក្រាតតែមួយគត់ក្នុងពិភពលោក

យោងតាមប្រភពទិន្នន័យមួយចំនួន ឱ្យដឹងថា Cap D’Agde ត្រូវបានបង្កើតឡើងកាលពីឆ្នាំ ១៩៧។ មុននោះ តំបន់ដីដែលនៅជាប់នឹងសមុទ្រ Cap D’Agde គឺជាកម្មសិទ្ធិរបស់គ្រួសារ Oltra ។ ក្រោយសង្គ្រាមលោកលើកទីពីរ បងប្អូនគ្រួសារ Oltra យល់ឃើញថា នៅលើដីរបស់ពួកគេ មានមនុស្សមកសម្រកលំហែកាយកាន់តែច្រើន ហើយពួកគេចូលចិត្ត ងូតទឹកសមុទ្រ និងអាក្រាតកាយហាលថ្ងៃ។ បន្ទាប់មក បងប្អូនគ្រួសារ Oltra ក៏បានបង្កើតតំបន់លំហែកាយចល័តមួយសម្រាប់ជួល។ តំបន់នេះ បានទាក់ទាញភ្ញៀវបរទេសយ៉ាងច្រើនមកកំសាន្ដ ពិសេសគឺមកពីអាល្លឺម៉ង់ និងហូឡង់។ ក្នុងបណ្ដាឆ្នាំ ១៩៧០ រដ្ឋាភិបាល Georges Pompidou បានបង្កើតគម្រោងអភិវឌ្ឍតំបន់ឆ្នេរសមុទ្រ Languedoc-Roussillon ។ ដំបូងឡើយ Cap D’Agde មិនស្ថិតក្នុងគម្រោងនេះនោះទេ ប៉ុន្ដែ Rene Oltra បានបញ្ចុះបញ្ចូលក្រុមមន្ដ្រីមានសមត្ថកិច្ចដែលកាន់ការរៀបចំគម្រោងនេះ ដើម្បីឱ្យពង្រីកទៅដល់តំបន់ "ស្លៀកខ្យល់ដណ្ដប់មេឃ" Cap D‘Agde របស់ខ្លួន។ ឆ្នាំ ១៩៧៣ ឆ្នេរសមុទ្រអាក្រាតកាយ Cap D‘Agde បានចាប់ផ្ដើមដំណើរការ។

នៅក្នុងទីក្រុងនេះ មានទីលំនៅចំនួន ៤ប្រភេទ គឺ អាគារស្នាក់នៅ ភូមិគ្រឹះជាយក្រុង តំបន់លំហែកាយមួយកន្លែង និងសណ្ឋាគារមួយដែលមានឈ្មោះថា Hotel Eve ។ ដោយឡែកនៅក្នុងតំបន់លំហែកាយ Cap D’Agde មានតំបន់ដីតូចៗ ចំនួន ២,៥០០ កន្លែង ដែលអ្នកអាចបោះតង់ដោយខ្លួនឯង ឬជួលផ្ទះចល័ត ដើម្បីសម្រាកលំហែអារម្មណ៍ ដោយអាក្រាតកាយ នៅក្នុងទីក្រុងនេះតែម្ដង។

Cap D’Agde ត្រូវបានគេដាក់បញ្ចូលឈ្មោះជាតំបន់លំហែកាយលេខមួយ ដែលត្រូវបានគេចូលចិត្តបំផុតនៅបារាំង ហើយវាទាក់ទាញភ្ញៀវទេសចរណ៍ប្រមាណជា ៥០,០០០ នាក់មកទស្សនា ជារៀងរាល់រដូវសម្រកវិស្សមកាល។

អត្ថបទចម្លែកៗគួរឱ្យចាប់អារម្មណ៍ដទៃ ៖

រូបចម្លាក់មនុស្សធាត់ អាក្រាតកាយ ដូចបេះបិទទៅនឹង មនុស្សពិត

នាំគ្នាភ្ញាក់ផ្អើល ប៉ាណូបង្ហាញរូបភាពអាក្រាតមួយផ្ទាំង នៅក្រុងប៉ោយប៉ែត

ឆាកបង្ហាញម៉ូដ បង្កការចាប់អារម្មណ៍ ដោយតារា អាក្រាតកាយ

ប្រែសម្រួលដោយ ៖ តារា
ប្រភព ៖ Citinews/sallyhanreck