CamNews

កាលពីម្សិលមិញគេហទំព័រពីរគឺ SamMobile និង SammyHub បានរួមគ្នាបង្ហោះនូវរូបភាព និង
រូបសណ្ឋានស្មាតហ្វូនតំលៃថោករបស់ Samsung Galaxy Music។ ដូចនឹងឈ្មោះរបស់វា ស្មាត
ហ្វូននេះសង្កត់ធ្ងន់ទៅលើតន្ត្រីជាងគេក្នុងរូបសណ្ឋានរបស់វា ព្រោះដូច្នេះគោលដៅទីផ្សារសំខាន់
របស់ Samsung គឺសំដៅលើយុវវ័យ ដែលនិយមចូលចិត្តស្តាប់តន្ត្រីដែលមានគុណភាពខ្ពស់នៅ
លើស្មាតហ្វូនរបស់ខ្លួន។

រូបភាពដែលត្រូវបានគេកំនត់ថាជា Samsung Galaxy Music

តាមរូបភាពខាងលើ Galaxy Music ហាក់ដូចជាមាន Speaker ក្រៅពីរនៅផ្នែកខាងលើ និងផ្នែកខាង
ក្រោមស្មាតហ្វូន។ បើនិយាយពី Hardware ដូចបាននិយាយខាងលើ Samsung មិនបានសង្កត់ធ្ងន់លើ
រូបសណ្ឋានរបស់ Galaxy Music ប៉ុន្មានទេ។ ជាក់ស្តែងស្មាតហ្វូននេះបានបំពាក់នូវ CPU Cortex A9
Single Core 850MHz, RAM 512 MB, អេក្រង់ 3", QVGA, និងដំឡើងជាស្រេចនូវប្រព័ន្ធប្រតិបត្តិការ
Android 4.0 Ice Cream Sandwich។ ក្រៅពីនេះ ប្រភពមួយចំនួនទៀតក៏បានឲ្យដឹងថា Samsung អាច
នឹងណែនាំថែម Version ថ្មីមួយទៀតដែលមានឈ្មោះថា Galaxy Music Duos ដែលមានរូបសណ្ឋាន
និងការរចនាម៉ូដដូចនឹង Galaxy Music, ចំនុចដែលខុសគ្នានោះគឺ ស្មាតហ្វូននេះអាចប្រើបានស៊ីមពីរ។

បើតាមការប៉ាន់ស្មាន Samsung នឹងធ្វើការបង្ហាញណែនាំស្មាតហ្វូនស៊េរី Galaxy Music ទាំងពីរនេះនៅ
ថ្ងៃទី 11/10 ខាងមុខនេះ។

ព័ត៌មានបន្ថែមស្តីពីរូបសណ្ឋានរបស់ Samsung Galaxy Music:

> អេក្រង់ទំហំ 3" កំរិតពន្លឺ QVGA (240x320)
> CPU Cortex A9 Single Core 850MHz
> RAM 512MB
> មេម៉ូរីក្នុង 4GB អាចបន្ថែមមេម៉ូរីក្រៅបានតាមរយះកាត MicroSD
> Camera  3MP
> ប្រព័ន្ធប្រតិបត្តិការ Android 4.0 - Ice Cream Sandwich
> Support Sensor វាស់ស្ទង់ល្បឿន, ត្រីវិស័យ...
> ថ្ម 1300mAh
> interface TouchWiz
> Support Connector Bluetooth 3.0, WiFi b/g/n
> Support Music ប្រភេទ MP3, OGG, ACC, ACC+, eACC+, AMR-NB, AMR-WB, WAV, MID,
   IMY, FLAC, WMA
> Support Video ប្រភេទ MPEG4, H.264, H.263, MKV, VP8

ដោយ៖ សិលា
ប្រភព៖ TTE