CamNews

ប៉ារីស, ០៥ ធ្នូ ២០១២ ៖ កាលពីថ្ងៃម្សិលមិញ Nokia បានបង្ហាញនូវស្មាតហ្វូនថ្មីមួយម៉ូ
ដែលទៀតគឺ Nokia Lumia 620 ដែលមានការរចនា យ៉ាងស្រស់ឆើតឆាយ ជាទីពេញ
ចិត្តសម្រាប់យុវវ័យ។ វាគឺជាទូរស័ព្ទ Windows Phone 8 ទីបីដែល មានតម្លៃទាបជាង
ទូរស័ព្ទតម្លៃមធ្យម Nokia Lumia 820 និងទូរស័ព្ទលំដាប់ខ្ពស់ ​Nokia Lumia 920។ 

Nokia Lumia 620 ក្រោមការប្រើប្រាស់បច្ចេកទេសលាយពណ៌ម៉្យាង បង្ហាញសម្រស់យ៉ាងឡូយ
ឆាយ។ ចំណែកឯសំបកគ្របដណ្តប់តួទូរស័ព្ទមានរហូតដល់ទៅ ៧ ពណ៌សម្រាប់ឲ្យអ្នកប្រើប្រាស់
ជ្រើសរើស តាមចិត្តស្ម័គ្រ។

លោកស្រី Jo Harlow នាយកប្រតិបត្តិរងរបស់ក្រុមហ៊ុន Nokia ទទួលបន្ទុកផ្នែកស្មាតហ្វូន បាន
លើកឡើងថា ៖ យើងបន្តអនុវត្តយុទ្ធសាស្រ្តរបស់យើង ដើម្បីបោះជំហានចូលទីផ្សារថ្មីៗ។ ជា
មួយនឹងការរចនាម៉ូដដ៏ច្នៃប្រឌិត, ប្រព័ន្ធប្រតិបត្តិការ Windows Phone 8 និងកម្មវិធីដាច់ដោយ
ឡែកពី Nokia ដូចជា Nokia Lenses, Nokia Map និង Nokia Music, Nokia Lumia 620 គឺជាស្មាត
ហ្វូនដ៏ប្រសើរបំផុតក្នុង ចំណោមស្មាតហ្វូនដទៃទៀតដែលមានតំលៃប្រហាក់ប្រហែលគ្នា ។

វាមានគុណសម្បត្តិជាច្រើនដែលដូចគ្នាទៅនឹង Nokia Lumia 920 និង Nokia Lumia 820 ដោយ
រាប់បញ្ចូលទាំងកញ្ចក់កាមេរ៉ាផង។ កញ្ចក់ Cinemagraph បង្ហាញពីចលនាឬសកម្មភាពនៃរូបថត
ចំណែកឯ Smart Shoot អាច ថតម្តងបានច្រើនប៉ុស្តិ៍បន្តបន្ទាប់គ្នា សម្រាប់ជ្រើសរើសឬកែតម្រូវ
ទៅតាមអ្វីដែលអ្នកថតចង់បាន។ Nokia Lumia 620 មានកាម៉េរ៉ា ក្រោយទំហំ 5MP និងកាមេរ៉ា
មុខ VGA។

តាមរយៈ Nokia Lumia 620 អ្នកប្រើប្រាស់អាចចូលទៅប្រើប្រាស់ផែនទី និងទីតាំង ដ៏ប្រសើរ
បំផុតនៅ ក្នុងពិភពលោកនៅលើបណ្តាញ Nokia HERE ដែលក្នុងនោះមាន Nokia Map, Nokia
Drive, Nokia Transport និងកម្មវិធីផ្តាច់មុខសម្រាប់ Nokia គឺ Nokia City Lens ដែលជាកម្មវិធី
មួយជួយណែនាំអ្នក ប្រើប្រាស់ឲ្យបានដឹងពីអ្វីៗនៅជុំវិញខ្លួនរបស់គេដូចជា សណ្ឋាគារ ភោជ
នីយដ្ឋាន ហាងលក់ទំនិញ ។ល។ ដោយគ្រាន់តែលើកកាមេរ៉ាដាក់ទៅទិសណាមួយប៉ុណ្ណោះ។

ជាមួយនឹង  NFC, Nokia Lumia 620 អាចតភ្ជាប់ជាមួយនឹងឧបករណ៍ NFC ដទៃទៀតដូចជា
JBL PlayUp Portable Speaker ជាដើម ហើយថែមទាំងអាចបញ្ជូនឬទទួលរូបភាព វីដេអូ ឬ
ទិន្នន័យផ្សេងៗ ចូលទៅក្នុងឬមកពីឧបករណ៍ដទៃទៀតដែលមាន NFC ដូចគ្នាយ៉ាងងាយស្រួល។

Nokia Lumia 620 ដំណើរការលើប្រព័ន្ធប្រតិបត្តិការ Windows Phone 8 ងាយស្រួលប្រើប្រាស់។ កម្មវិធីផ្សេងៗដែលបង្ហាញនៅក្នុងអេក្រង់ទូរស័ព្ទ មានរាងក្រឡាការ៉ូ អាចប្តូរពណ៌ និងប្តូរទំហំបាន។​
កម្មវិធីនេះ មានចលនា និងផ្សាយព័ត៌មានថ្មីដោយផ្ទាល់ភ្លាមៗតែម្តង។ កម្មវិធី People Hub គឺជាទី
ប្រជុំ នៃលេខទំនាក់ទំនង ដែលប្រមូលមកពី Facbook, បណ្តាញសង្គមនានា, ពីEmail Account ជា
ដើម ដែលបង្កភាពងាយស្រួលក្នុងការជ្រើសរើសមធ្យោបាយក្នុងការទាក់ទង។ នៅក្នុង ក្រឡាការ៉ូ
ឈ្មោះ Me យើងអាចផ្សាយដំណឹង (Status Update), ជជែក (Chat), កំណត់ Chat Status, តាមដាន
ព័ត៌មានឬ ដំណឹងថ្មីៗនៃមិត្តភក្រ្ត ទាំងនៅក្នុង Facebook, LinkedIn  និង Twitter ។ល។ Windows
Phone 8 មាន Xbox Live, Microsoft Office, 7GB SkyDrive សម្រាប់ផ្ទុកឯកសារ និង Internet
Explorer 10។

លក្ខណៈសម្បត្តិ និងលក្ខណៈពិសេសដូចបានរៀបរាប់ខាងលើគឺទ្រទ្រង់ដោយ អង្គប្រតិបត្តិការ
Snapdragon™ S4 Plus របស់ក្រុមហ៊ុន Qualcomm ។

លោក Enrico Salvatori នាយករងនៃក្រុមហ៊ុន Qualcomm និងជានាយកនៃក្រុមហ៊ុន Qulacomm
ប្រចាំនៅអឺរ៉ុបបានបញ្ជាក់ថា ៖ បណ្តាជនទាំងឡាយ បើកប្រើកម្មវិធីច្រើនក្នុងពេលតែមួយ ដូច្នេះ
ពួក គេជ្រើសរើសទូរស័ព្ទដែលប្រើប្រាស់អង្គប្រតិបត្តិការ Qualcomm Snapdragon។ អង្គប្រតិបត្តិ
ការនេះ គឺជាថ្លើមប្រម៉ាត់នៃទូរស័ព្ទ Nokia Lumia 620 ដែលអាចបើកបានច្រើនកម្មវិធី ទាញយក
និងផ្ទេរ ទិន្នន័យបានលឿន។

Nokia Luia 620 មានច្រើនពណ៌ដូចជា បៃតង ទឹកក្រូច ផ្កាឈូកដិត លឿង ខៀវស្រាល ស និង
ខ្មៅ។ តម្លៃលក់រាយមិនទាន់គិតពន្ធប្រមាណ ២៤៩ ដុល្លា ហើយនឹងចាប់ផ្តើមលក់ក្នុងទីផ្សារអាស៊ី
នៅ ខែមករា ឆ្នាំ ២០១៣ ខាងមុខនេះ។

ព័ត៌មានលំអិតបន្ថែមស្តីពី Nokia Lumia 620 ស៊េរីថ្មីនេះ សូមចុចត្រង់នេះ !

ដោយ៖ សិលា
ប្រភព៖ NOKIA