CamNews

Sony ធ្លាប់ធ្វើការបង្ហាញនូវស៊េរី Laptop VAIO Fit 13A/14A/15A Flip PC ជាមួយនឹងអេក្រង់បត់ ៣៦០ ដឺក្រេ យ៉ាងអស្ចារ្យ ហើយនៅពេលនេះ ក្រុមហ៊ុនបានបន្តបញ្ចេញបន្ថែមនូវម៉ូដែល 11" មួយទៀត ចូលក្នុងស៊េរី Laptop កាត់ Tablet នេះ។

ដូចជាមួយនឹង ៣ស៊េរីមុន របស់ខ្លួន Sony VAIO Fit 11A ក៏អាចធ្វើការបត់អេក្រង់ ៣៦០ ដឺក្រេ បានដែរ។ ដូច្នេះអ្នកអាចប្រើប្រាស់ VAIO Fit 11A នៅទម្រង់ជា Laptop ក៏បាន ជាទម្រង់ Tablet ក៏បាន តាមចិត្តអ្នកចង់បាន។ អេក្រង់ TouchScreen របស់ Laptop នេះ នៅតែរក្សា កំរិត រីសូ លុយហ្សិន 1920 x 1080 រួមជាមួយបច្ចេកវិទ្យា Triluminos ដែលជួយផ្តល់នូវពណ៌ដិត ស្អាត ជាងមុន (អ្នកក៏ជាបច្ចេកវិទ្យា បានប្រើក្នុងបណ្តា TV ស៊េរីខ្ពស់ៗរបស់ Sony បច្ចុប្បន្ននេះដែរ)។

និយាយពីលក្ខណៈសម្បត្តិ Hardware វិញ VAIO Fit 11A មានច្រើនជម្រើសសម្រាប់ CPU គឺ ចាប់ពី chip Intel Pentium 4 core (នៃស៊េរី Bay Trail) រហូតដល់ Core i7 (នៃស៊េរី Haswell), SSD អតិបរមា 128GB, camera 8 megapixel ជាមួយ Sensor Exmor។ Sony នៅថែមបំពាក់លើ Laptop របស់ខ្លួននូវ រន្ធសម្រាប់ដោតកាត SD, រន្ធ USB, HDMI និងតំណភ្ជាប់ NFC។

អតិថិជនអាចជ្រើសរើស Laptop  VAIO Fit 11A ជាមួយនឹង បីពណ៌ផ្សេងគ្នា គឺពណ៌ខ្មៅ ស និងផ្កាឈូក។ ភ្ជាប់មកជាមួយ  VAIO Fit 11A គឺជាប៊ិច TouchScreen VAIO Active Pen សម្រាប់ Support ដល់ Softwares ក្រាហ្វិកដូចជា Adobe Photoshop ឬ Illustrator ជាដើម។ Laptop នឹងត្រូវបានដាក់លក់ នៅពាក់កណ្តាល ខែក្រោយនេះ។ តំលៃចាប់ផ្តើមពី ៧៩៩ ដុល្លារ។

លក្ខណៈសម្បត្តិមូលដ្ឋាននៃ Sony VAIO Fit 11A | Flip PC:

• អេក្រង់: TouchScreen, 11" កំរិតរីសូលុយហ្សិន 1920 x 1080, បច្ចេកវិទ្យា Triluminos
• CPU: អាចជ្រើសរើសបានច្រើនប្រភេទចាប់ពី Intel Pentium, Core i3, i5 ដល់ i7
• GPU: អាស្រ័យទៅតាម CPU
• RAM: 4GB, អាចដំឡើងបានខ្ពស់ជាងនេះ
• SSD: អតិបរមា 128GB
• Camera ក្រោយ: 8 megapixel, Sensor Exmor
• មាន camera មុខ​ តែមិនទាន់ច្បាស់ ទំហំប៉ុន្មាន
• ប្រព័ន្ធប្រតិបត្តិការ: Windows 8.1, ភ្ជាប់ជាមួយនឹង Software Adobe Photoshop Elements 12
• Feature ពិសេស: អេក្រង់អាចបត់បែនបាន ប្រែក្លាយជា tablet
• តំណភ្ជាប់: NFC, Bluetooth 4.0, Wi-Fi a/b/g/n
• ខ្នាតប្រវែង: មិនទាន់ច្បាស់
• ទម្ងន់: 1.2kg

ប្រែសម្រួល៖ សិលា
ប្រភព៖ tinhte