CamNews

ត្រឹមតែក្នុងកំឡុងពេលបីថ្ងៃប៉ុណ្ណោះនៃការបង្ហាញវត្តមានដំបូង, Apple លក់ផលិតផលថ្មី
របស់ខ្លួន iPhone 4S បានចំនួន ៤លានគ្រឿង គឺស្មើនឹងពីរដងធៀបជាមួយ iPhone 4 ។
អគ្គនាយករងផ្នែកទីផ្សារទូទាំងពិភពលោករបស់ Apple ឈ្មោះ Philip Schiller បានអោយ
ដឹងថា �iPhone 4S មានដំណើរការដំបូងមួយដ៏អស្ចារ្យជាមួយចំនួន ៤លានគ្រឿងដែលចាប់
ផ្តើមលក់ចេញនៅក្នុងសប្តាហ៍ដំបូង ។ វាគឺជាបរិមាណលក់ចេញនៃផលិតផលបានចំនួន
ច្រើនបំផុតក្នុងប្រវត្តិសាស្រ្តសំរាប់ផលិតផលទូរស័ព្ទនៅក្នុងសប្តាហ៍ដំបូង ហើយចំនួននោះ
ស្មើនឹងពីរដងនៃចំនួនផលិតផល iPhone 4 ដែលចេញលក់ក្នុងរយៈពេលបីថ្ងៃដំបូងនៃការ
បង្ហាញវត្តមានរបស់ខ្លួន។ iPhone 4S គឺជាចំណាប់អារម្មណ៍យ៉ាងពិសេសបំផុតនៅទូទាំង
ពិភពលោក រួមជាមួយនឹង iOS 5 និង iCloud វាគឺជា iPhone អស្ចារ្យបំផុតតាំងពីដើមរហូត
មកដល់បច្ចុប្បន្ននេះ" ។

បើប្រៀបធៀបជាមួយផលិតផលមុនៗ ,ក្នុងរយៈពេលបីថ្ងៃដំបូង iPhone 4 លក់បានចំនួន
១,៧លានគ្រឿង ចំណែក iPhone 3GS នៅក្នុងសប្តាហ៍ដំបូងលក់បានចំនួន ១លានគ្រឿង។
Apple មិនទាន់បានធ្វើសេចក្តីប្រកាសអោយដឹងពីពត៌មានលំអិតនេះទេ តែបើតាមអ្នក
ជំនាញផ្នែកវិភាគ Gene Munster របស់ Piper Jaffray ធ្វើការប៉ាន់ស្មានថាមួយផ្នែកធំនៃ
ជំនួញរបស iPhone 4S នេះគឺបានមកពីអតិថិជនប្រើប្រាស iPhone 3GS រឺក៏ 3G ដែលបាន
ធ្វើការ Update ឡើងនោះឯង ។

ម្យ៉ាងវិញទៀត Apple ក៏បានអោយដឹងផងដែរថា iOS 5 របស់ខ្លួនទទួលបានចំនួន ២៥លាន
ដងនៃការទាញយកទៅប្រើប្រាស់ និង iCloud មានចំនួន ២០លានដង ។ នៅពេលដែល
iOS 5 បានបង្ហាញវត្តមានជាលើកដំបូងនៅថ្ងៃទី ១២ ខែតុលា កន្លងទៅនេះ បរិមាណនៃអ្នក
ចូលទៅទាញយក(Download) មានចំនួនយ៉ាងច្រើនរហូតធ្វើអោយ Server របស់ Apple ជួប
នូវបញ្ហាមួយចំនួនដែលជាហេតុធ្វើអោយអ្នកប្រើប្រាស់ជាច្រើនមិនអាចទាញមកប្រើប្រាស់
បាន។ នៅក្នុងប្រទេសអង់គ្លេសចំនួនអ្នកដែលចូលទៅទាញយក iOS 5 គឺមានបរិមាណច្រើន
បំផុតតាំងពីដើមរហូតមកដល់បច្ចុប្បន្ននេះ ។

អ្នកវិភាគ Brian White របស់ Ticonderoga Securities អោយដឹងថាហាងលក់ផលិតផល
Apple Store បានលក់ផលិតផល iPhone 4S អស់ពីស្តុករបស់ខ្លួន។ នៅក្នុងកំឡុងថ្ងៃដំបូង
នៃការបង្ហាញវត្តមាន, iPhone 4S បានជួយអោយ Sprint មាន�ថ្ងៃលក់ដាច់បំផុតតាំងពីដើម
រហូតមកដល់បច្ចុប្បន្ននេះ " ដោយឡែក AT&T ទទួលបានឯកត្តកម្ម �រីកចំរើនដល់កំពូល"
ថ្មីមួយផងដែរ ។

លើសពីនេះទៅទៀត ដោយផ្អែកលើឯកត្តកម្មរីកចំរើនថ្មីរបស់ iPhone 4S នេះ,ភាគហ៊ុន
របស់ Apple ក៏មានការកើនឡើងគួរអោយភ្ញាក់ផ្អើល។ កាលពីថ្ងៃទី​ ៦ខែតុលា ភាគហ៊ុន
របស់ Apple មានតំលៃ ៣៦៩,៨ ដុល្លាអាមេរិក និងរយៈពេល ១០ថ្ងៃក្រោយតំលៃភាគហ៊ុន
បានកើនឡើងតំលៃ ៤២២ដុល្លាអាមេរិក។ មានការកើនឡើង ១៥ភាគរយដែលជាចំនុច
ខ្ពស់បំផុតគឺថ្ងៃម្សិលម៉ិញតំលៃភាគហ៊ុនមានចំនួន ៤២៦ដុល្លាអាមេរិក។ ដោយឡែកចំពោះ
ថ្ងៃ ១៤ ខែតុលា ដែលជាថ្ងៃ iPhone 4S បង្ហាញវត្តមាន តំលៃភាគហ៊ុនមានការកើនឡើងពី
៤០៨ ដុល្លាអាមេរិក ឡើងដល់ ៤១៨ ដុល្លាអាមេរិក ៕