កាលពីម្សិលមិញនៅលើគេហទំព័រ Android Schweiz បានបង្ហោះនូវព័ត៌មាន និងរូប
ភាពមួយចំនួនរបស់ Xperia Yuga C6603, ស្មាតហ្វូនដែលត្រូវបានគេទន្ទឹងរង់ចាំថា
ជាស្មាតហ្វូនមានអានុភាពរបស់ Sony ក្នុងឆ្នាំ 2013។
Yuga ត្រូបបានស្រោបតួទាំងមូលជាប្រភេទ Unibody, អាចបន្ថែមមេម៉ូរីក្រៅប្រភេទ microSD,
microHDMI, ថ្មមិនអាចដោះចេញក្រៅបានឡើយ។ ស្មាតហ្វូននេះបំពាក់នូវ CPU 4x ល្បឿន
1,5GHz (ព័ត៌មានកាលពីពេលមុនបាននិយាយថា chip នេះជាប្រភេទ Qualcomm Snapdragon
S4 Pro), RAM 2GB, កាមេរ៉ាទំហំ 12MP និងមានអេក្រង់ទំហំ 5" Full-HD 1920 x 1080 ។
ស្មាតហ្វូនដែលត្រូវបានគេកំនត់ជា Sony Xperia Yuga
ស្មាតហ្វូននេះប្រើប្រព័ន្ធប្រតិបត្តិការ Android 4.1.1។ អ្នកដែលបានបង្ហោះរូបភាព និងសរសេរ
ពីព័ត៌មាននេះបាននិយាយថា គំរូដើមស្មាតហ្វូននេះពិតជាស្អាតណាស់ ប៉ុន្តែគាត់មិនបានដឹងថា
ពេលណាទើប Yuga បង្ហាញខ្លួនជាផ្លូវការនោះឡើយ៕
ដោយ៖ សិលា
ប្រភព៖ tte