CamNews

ស្វែងរកកំរិតខ្ពស់
ទូរស័ព្ទ 

ភាគហ៊ុនរបស់ Apple បានធ្លាក់ចុះ ដោយសារតែការព្រួយបារម្ភ បរិមាណលក់ iPhone 7 ទាប

កាលពីម្សិលមិញ ភាគហ៊ុនរបស់ Apple បានធ្លាក់ចុះយ៉ាងឆាប់រហ័សជាង ២% បន្ទាប់ពីមានព័ត៌មាន​ពីក្រុមហ៊ុនស្រាវជ្រាវទីផ្សារ GfK ដែលបានផ្គត់ផ្គង់ដល់អតិថិជនរបស់ពួកគេ ដោយបង្ហាញពីការព្រួយ​បារម្ភ​ទៅលើ​បរិមាណលក់របស់ iPhone ថ្មីមានការធ្លាក់ចុះ។

យោងតាមប្រភពពី CNBC បានឲ្យដឹងថា GfK បានបញ្ជាក់របាយការណ៍នេះ ប៉ុន្តែមិនបានពន្យល់​ប្រាប់លម្អិត ព្រោះតែនេះគឺជាព័ត៌មានដែលពួកគេផ្គត់ផ្គង់ឲ្យតែអតិថិជនរបស់ខ្លួនតែប៉ុណ្ណោះ ដោយ​ផ្អែកលើទិន្នន័យលក់របស់ក្រុមហ៊ុននៅលើទីផ្សារចំនួន១៧ ក្នុងសប្តាហ៍ដំបូង នៃការលក់ចេញ iPhone 7។


នេះមិនមែនជាលើកទីមួយនោះទេ ដែលក្រុមហ៊ុនអាឡឺម៉ង់មួយនេះ "អង្រួន" Apple តាមរយៈរបាយ​ការណ៍ស្ថិតិមួយច្បាប់ ស្តីពីបរិមាណលក់របស់បណ្តាគំរូ iPhone ស៊េរីថ្មី។ កាលពីឆ្នាំមុន បន្ទាប់ពីធ្វើ​ការស្រាវជ្រាវតាមបណ្តាញការលក់ ក្រុមហ៊ុន GFK បានបង្ហាញឲ្យដឹងថា iPhone 6 និង iPhone 6S​មានបរិមាណលក់ចេញ មិនខ្ពស់ដូចអ្វីដែលលោកនាយកប្រតិបត្តិ Tim Cook បានប្រកាសកាលពីមុន​នោះទេ។

ក្នុងនោះ គេហទំព័រព័ត៌មាន DigiTimes ដែលជំនាញខាងផ្តល់នូវព័ត៌មានបច្ចេកវិទ្យា បានឲ្យដឹងថា ការបញ្ជាទិញបន្ទះឈីប iPhone 7 និង iPhone 7 Plus នឹងបន្តធ្លាក់ចុះប្រហែល ២០% នៅក្នុងត្រីមាស​ដំបូងនៃឆ្នាំ ២០១៧។ ព័ត៌មាននេះ DigiTimes បានប្រមូលពីបណ្តាក្រុមហ៊ុនផ្គត់ផ្គង់បន្ទះឈីប៕

- អ្នកប្រើប្រាស់មួយចំនួន នៅកូរ៉េខាងត្បូង នៅតែមានការរអ៊ូរទាំស្តីពីបញ្ហាថ្មលើ Note 7 ដែលបាន ប្តូរថ្មី
- Samsung អនុញ្ញាត Galaxy Note 7 ដែលជាម៉ូដែលត្រូវប្រមូលចូលក្រុមហ៊ុនវិញ អាចសាកថ្មបាន ដល់ ៨០%

 

ប្រែសម្រួល៖ មង្គល
ប្រភព៖ CNBC, vreview


Tags: iPhone 7,  iPhone 7 Plus,  Smartphone,  Apple,  Hightech

ទូរស័ព្ទ ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...