CamNews

យោងតាមរបាយការណ៍ពីខាង Motley Fool Canada បានឲ្យដឹងថា BlackBerry អាចនឹងឈប់ធ្វើ​ជំនួញ​លើផ្នែកទូរស័ព្ទចល័តនៅចុងខែនេះ ជាក់ស្តែងគឺនៅថ្ងៃទី២៨ ខែកញ្ញា ឆ្នាំ២០១៦ ខាងមុខនេះ​ដែលជាថ្ងៃពួកគេប្រកាសលទ្ធផលជំនួញ សម្រាប់ត្រីមាសទីពីរ ឆ្នាំ២០១៦។ មានសញ្ញាជាច្រើនដែល​បង្ហាញឲ្យឃើញនូវរឿងនេះ ពិសេសគឺពេលលោកនាយកប្រតិបត្តិ John Chen ធ្លាប់បាននិយាយថា​ នឹងធ្វើការសម្រេចចិត្តមួយថាតើគួរបន្ត ឬបោះបង់ចោលជំនួញផ្នែករឹង (Hardware) នៅក្នុងខែកញ្ញា។

• បច្ចុប្បន្ន ផ្នែកជំនួញផ្នែករឹង បានចំណាយដល់ទៅ ៦៥% នៃចំនួនទឹកប្រាក់សម្រាប់ការស្រាវជ្រាវ និង​អភិវឌ្ឍរបស់ BlackBerry ប៉ុន្តែបើជាខំប្រឹងប្រែងខ្លាំងយ៉ាងនេះក្តី ក៏បរិមាណលក់របស់បណ្តាស្មាត ហ្វូន​ BlackBerry ពីមួយថ្ងៃទៅមួយ កាន់តែធ្លាក់ចុះ ដុនដាប។ ជាក់ស្តែ បរិមាណលក់ចេញស្មាតហ្វូន BlackBerry បានធ្លាក់ចុះនៅសល់តែ ៥០០,០០០ គ្រឿងនៅក្នុងត្រីមាសមុន ពោលគឺបានថយចុះ​១០០,០០០ គ្រឿង បើប្រៀបនឹងត្រីមាសមុនមួយទៀត ហើយកាន់តែមិនអាចប្រៀបធៀបបាន ជាមួយ​នឹងចំនួនលក់ចេញបាន ជាច្រើនលានគ្រឿង ក្នុងត្រីមាសកំពូលមួយ ដែលជាត្រីមាសលក់បានច្រើន ជាងគេបំផុត។​
• បណ្តាអ្នកវិភាគ បានបង្ហាញឲ្យដឹងថា បើសិនជាស្ថានភាពនេះ ចេះតែបន្តដូច្នេះទៅទៀត នោះ BlackBerry នឹងបន្តខាត នៅក្នុងឆ្នាំ២០១៧ និងឆ្នាំ ២០១៨ ខាងមុខនេះ។
• នាយកប្រតិបត្តិ John Chen ធ្លាប់បាននិយាយថា: "សម្រាប់ខ្លួនខ្ញុំផ្ទាល់ មិនជឿថា ឧបករណ៍នឹងជា​អនាគត (អ្វីៗទាំងអស់) របស់គ្រប់ក្រុមហ៊ុនទាំងអស់នោះទេ"។
• BlackBerry កំពុងតែអនុវត្តនូវយុទ្ធសាស្រ្តលក់បញ្ចុះតម្លៃដ៏ធំមួយ នៅលើគេហទំព័ររបស់ពួកគេ ពោល​គឺបញ្ចុះតម្លៃដល់ទៅ ៤០% លើគ្រប់បណ្តាឧបករណ៍គ្រឿងផ្សំទាំងអស់ ហើយការបញ្ចុះតម្លៃ នេះនឹង បញ្ចប់នៅថ្ងៃទី២៧ ខែកញ្ញា ពោលតែមួយថ្ងៃ មុនពេលប្រកាសលទ្ធផលជំនួញសម្រាប់ ត្រីមាស​ទីពីរ។  នេះអាចជាសកម្មភាព នៃការឈប់លក់ទំនិញ។
• BlackBerry DTEK50 ត្រូវបានលក់បញ្ចុះតម្លៃ នៅលើគ្រប់បណ្តាប្រព័ន្ធលក់រាយផ្សេងៗគ្នា បើទោះបី​ជា ទើបតែបង្ហាញខ្លួនក៏ដោយ។ តែក្នុងខែមុនប៉ុណ្ណោះ បុគ្គលិកចំនួន ១៧,៦០០ នាក់ នៅអន្តោ​ប្រវេសន៍​និងគយអាមេរិច បានប្តូរពីក្រុមហ៊ុន BlackBerry ទៅកាន់ Apple ។
• កាសែតល្បីល្បាញបំផុតកាណាដា The Global and Mail បានធ្វើការសន្និដ្ឋានចុងក្រោយថា BlackBerry អាចនឹងដកខ្លួនឆ្ងាយពី ផ្នែកជំនួញឧបករណ៍ចល័ត ដែលកំពុងតែខាតបង់ច្រើន ដើម្បី​ប្រមូលអារម្មណ៍ផលិតផ្នែក Software ដែលអាចផ្តល់ផលចំណេញដល់ក្រុមហ៊ុន៕

- កំណែអាប់ឌេត កំណត់កម្រិតសាកថ្មតែត្រឹម ៦០% ​នៅលើ Galaxy Note 7 តើដឹងទេ វានឹងមាន ដំណើរការដូចម្តេច?
- iPhone 7/7 Plus ត្រូវបានគេរាយការណ៍ថា មានលេចចេញនូវសម្លេងចម្លែក ពេលប្រើប្រាស់

ប្រែសម្រួល៖ មង្គល
ប្រភព៖ Motley Fool Canada, Tinhte