CamNews

ស្វែងរកកំរិតខ្ពស់
ទូរស័ព្ទ 

iPhone 6 និង 6 Plus មានតែ ១០ លានគ្រឿងប៉ុណ្ណោះ ដែលត្រូវបានបញ្ចេញដាក់លក់ នៅក្នុងខែកញ្ញានេះ

សម្រាប់ចំនួនតួលេខនេះ ត្រូវបានគេប៉ាន់ស្មានថា នឹងមិនអាចផ្គត់ផ្គង់គ្រប់តម្រូវការ ដ៏ច្រើនសម្បើម របស់អ្នកប្រើប្រាស់ឡើយ នៅពេលដែលស្មាតហ្វូន iPhone ថ្មីទាំងពីរម៉ូដែល បញ្ចេញលក់ជាផ្លូវការ។

នៅថ្ងៃនេះ Apple ចាប់ផ្តើមអនុញ្ញាតឲ្យអ្នកប្រើប្រាស់គ្រប់គ្នា ធ្វើការកុម្មង់ទិញ iPhone 6 និង iPhone 6 Plus នៅតាមបណ្តាទីផ្សារមួយចំនួនដូចជា អាមេរិច អង់គ្លេស អូស្រ្តាលី កាណាដា បារាំង អាឡឺម៉ង់ ហុងកុង ជប៉ុន ប៉ឺតូរីកូ សាំងហ្គាពួរ (ទៅតាមម៉ោងតំបន់នីមួយៗ) ជាមួយនឹងតំលៃលក់ មិនទាន់គិត ពន្ធ ចាប់ពី ៦៤៩ ដុល្លារ​អាមេរិក ដល់ ៩៤៩ ដុល្លារអាមេរិច។

បើតាមគេហទំព័រ DigiTimes ដែលបានដកស្រង់ព័ត៌មានពី ប្រភពដែលបានផ្គត់ផ្គង់ដល់ Apple នៅតៃវ៉ាន់ បានឲ្យដឹងថា Apple បានដាក់ចេញផែនការ ផលិតនិងដាក់លក់ iPhone 6 និង iPhone 6 Plus ដល់ចំនួន ៨០លានគ្រឿង បើគិតទៅដល់ចុងឆ្នាំ ២០១៤ នេះ គឺខ្ពស់ជាងកំរិតចំនួន ៦០លាន គ្រឿងនៃ iPhone 5S ដែលបានផលិតចេញ និងលក់ ចាប់ពីខែកញ្ញា ឆ្នាំ២០១៣ ដល់ដាច់ខែធ្នូ ឆ្នាំ ២០១៣។

ជាក់ស្តែង នៅក្នុងចំនួនតួរលេខខាងលើ គឺមានតែចំនួន ១០លានគ្រឿងប៉ុណ្ណោះ ដែលត្រូវបានចែក ចាយលក់នៅលើទីផ្សារ នៅក្នុងខែកញ្ញានេះ ដែលកត្តានេះបានធ្វើឲ្យពិភពបច្ចេកវិទ្យាមានការព្រួយ បារម្ភ។ Apple ធ្លាប់លក់បាន iPhone 5S និង iPhone 5C ដល់ទៅ ៩លានគ្រឿង តែក្នុងរយះពេល ៣ថ្ងៃដំបូង បន្ទាប់មានមុខនៅលើទីផ្សារ។ ការកំណត់ចំនួននេះ អាចនឹងធ្វើធ្លាក់ចូលក្នុងស្ថានភាព ដាច់ស្តុក និងជុំរុញឲ្យតំលៃលក់ iPhone ថ្មីទាំងពីរម៉ូដែល នៅតាមហាង ដែលមិនមែនជា ការិយា ល័យលក់ផ្លូវការរបស់ Apple ឡើងខ្ពស់កប់ពពក មិនខាន៕

 

ប្រែសម្រួល៖ សិលា
ប្រភព៖ Digitimes, vexpres


Tags: 10 millions items,  iPhone 6,  iPhone 6 Plus,  Smartphone,  Apple,  Hightech

ទូរស័ព្ទ ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...