CamNews

បន្ទាប់ពី Brexit ក្រុមហ៊ុន Samsung កំពុងគិតទៅដល់វិធានការណ៍ផ្លាស់ប្តូរការិយាល័យកណ្តាល នៅតំបន់អឺរ៉ុបរបស់ខ្លួន ចេញពីប្រទេសអង់គ្លេស។ រីឯបណ្តាគូប្រកួតប្រជែងផ្សេងទៀតដូចជា LG និង Acer ក៏កំពុងគិតគូរពីវិធានការណ៍របស់ខ្លួនទុកជាមុនផងដែរ ចំពោះផលប៉ះពាល់នៃការចាកចេញ​របស់ប្រទេសអង់គ្លេស ពីសហភាពអឺរ៉ុប។

មានក្រុមហ៊ុនបច្ចេកវិទ្យាមិនតិចនោះទេ កំពុងគិតគូរដកការិយាល័យរបស់ខ្លួន ចេញពីអង់គ្លេស

សារព័ត៌មាន Herald របស់កូរ៉េខាងត្បូង បានចុះផ្សាយព័ត៌មាន ស្តីពីរឿងដែលក្រុមហ៊ុន Samsung កំពុងតែធ្វើការរំលឹកដល់វិធានការណ៍ផ្លាស់ប្តូរការិយាល័យកណ្តាលនៅទីផ្សារអឺរ៉ុបរបស់ខ្លួន ចេញពី​ទីក្រុងឡុងដ៍ ទៅកាន់ទីតាំងថ្មីមួយទៀត។ បច្ចុប្បន្ន Samsung កំពុងមានរោងចក្រផលិតឧបករណ៍​ប្រើប្រាស់នៅប្រទេសប៉ូឡូញ និងបណ្តាផលិតផលទូរទស្សន៍ ត្រូវបានដំឡើងនៅ ស្លូវ៉ាគី និងហុងគ្រី។

កាលពីឆ្នាំ ២០១៥  នៅពេលដែលបរិមាណលក់ផលិតផល នៅអឺរ៉ុបរបស់ Samsung មានការធ្លាក់ចុះ ពេលនោះមានព័ត៌មានចចាមអារ៉ាមថា Samsung បានគិតធ្វើការផ្លាស់ប្តូរការិយាល័យកណ្តាលចេញ ពីទីក្រុងឡុងដ៍ ទៅកាន់ Warsaw (ទីក្រុងរបស់ប៉ូឡូញ)។ ការដែលអង់គ្លេស បានចាកចេញជាផ្លូវការ​ពីសហភាពអឺរ៉ុប នឹងបន្ថែមហេតុផលមួយទៀត ដើម្បីឲ្យ Samsung គិតជាថ្មីម្តងទៀត ស្តីពីការ​សម្រេច​​ចិត្តរបស់ខ្លួន ក្នុងការផ្លាស់ប្តូរការិយាល័យ។

ក្រុមហ៊ុនអេឡិចត្រូនិចមួយទៀតរបស់កូរ៉េខាងត្បូង នោះគឺ LG Electronis ក៏កំពុងមានក្តីព្រួយបារម្ភ​ស្តីពីបណ្តាផលប៉ះពាល់របស់ Brexit ដោយសារពួកគេមិនអាចទទួលបានអត្ថប្រយោជន៍ល្អទៅលើ បញ្ហាពន្ធអាករ  ពេលចូលទៅកាន់ទីផ្សារអឺរ៉ុប បើសិនខ្លួននៅប្រទេសអង់គ្លេស។

ក្រុមហ៊ុនកុំព្យូទ័រតៃវ៉ាន់ Acer ក៏បានទទួលស្គាល់ថា Brexit បានបង្កើតឲ្យមានផលប៉ះពាល់ភ្លាមៗ ទៅលើអត្រាប្តូរប្រាក់។ ប្រាក់ចំណូលជិត ៣០% របស់ Acer គឺទទួលបានមកពីខាងអឺរ៉ុប ដូច្នេះច្បាស់ ណាស់ ដែលពួកគេ នឹងទទួលរងនូវផលប៉ះពាល់យ៉ាងច្រើន ពីបញ្ហានេះ៕

- អានអត្ថបទ៖ នេះគឺជាកាមេរ៉ាក្រោយរបស់ iPhone 7, ធំជាងច្រើន បើប្រៀបនឹង​ iPhone 6s?
- អានអត្ថបទ៖ ច្បាស់ណាស់ហើយ ដែលថា Samsung Galaxy Note7 ជាឈ្មោះហៅផ្លូវការបស់ ស៊េរី Note បន្ទាប់

ប្រែសម្រួល៖ មង្គល