CamNews

iPhone 8 ត្រូវបានគេឲ្យដឹងថា ជាម៉ូដែលកំណែទម្រង់ដ៏ធំ និងខ្លាំងបំផុតមួយ ដែលតាមការ​រំពឹង​ទុក​វា​នឹង​បង្ហាញខ្លួននៅឆ្នាំក្រោយ ដើម្បីអបអរសាទរបុណ្យខួបអនុស្សាវរីយ៍រយះពេល ១០ ឆ្នាំ​នៃការ បង្កើត iPhone។

Concept iPhone 8 ដែលមានផ្ទៃអេក្រង់ធំទូលាយ គ្មានគែម

តាមប្រភពពី Business Insider បានឲ្យដឹងថា Apple បានចាប់ផ្តើមធ្វើការពិសោធន៍ Hardware របស់ iPhone 8 ហើយនៅការិយាល័យមួយរបស់ក្រុមហ៊ុន នៅប្រទេសអ៊ីស្រាអែល។ នេះគឺជាព័ត៌មានមួយ​ដែលត្រូវបានបញ្ជាក់ប្រាប់ ពីបុគ្គលិកម្នាក់ដែលបានធ្វើការនៅទីនោះ។

ការិយាល័យរបស់ Apple នៅប្រទេសអ៊ីស្រាអែល

បច្ចុប្បន្ន ព័ត៌មានស្តីពី iPhone 8 នៅមានចំនួនតិចតួចនៅឡើយ ទន្ទឹមនឹងនោះមានប្រភពព័ត៌មាន មួយ​ចំនួនបានឲ្យដឹងថា iPhone 8 នឹងត្រូវបាន Apple បង្ហាញណែនាំខ្លួននៅឆ្នាំក្រោយនេះតែម្តង ដែលវានឹង​ត្រូវបានក្រុមហ៊ុនធ្វើការកែប្រែជាច្រើន ទៅលើការរចនាម៉ូតរូបរាង ជាមួយនឹងផ្ទៃអេក្រង់ ធំទូលាយ ស្ទើរ​តែគ្មានគែម។

ប្រភពបានឲ្យដឹងថា នៅពេលដែលអ្នកសារព័ត៌មាន Business Insider សួរនាំពី iPhone 8 បុគ្គលិក ម្នាក់​ ដែលជាអ្នកផ្សារឧបករណ៍គ្រឿងផ្សំដល់ Apple បាននិយាយឲ្យដឹងថា ឧបករណ៍ថ្មីនេះ នឹងខុស ប្លែក​យ៉ាងច្រើន បើធៀបនឹង iPhone 6 ឬ iPhone 7។​ បុគ្គលិកស្ទើរតែទាំងអស់ ដែលត្រូវបាន សម្ភាសន៍ ក៏​បាននិយាយថា ពួកគេកំពុងតែធ្វើការជាមួយនឹងផលិតផលថ្មីមួយរបស់ Apple ហើយ ជាក់ស្តែងនោះ​វាគឺជា​ iPhone 8។

គួរបញ្ជាក់ផងដែរ បណ្តាបុគ្គលិកនៅទីនោះ បានរំលឹកហៅឈ្មោះ “iPhone 8” ដោយខ្លួនពួកគេ នៅ រាល់​ពេលអ្នកសារព័ត៌មានបានសម្ភាសន៍។ បើសិនជា វាដំណើរការត្រូវទៅតាមទម្លាប់ នៃដំណើរការ​អាប់ឌេត​របស់ Apple ជំនាន់ iPhone ដែលត្រូវបង្ហាញខ្លួន នៅឆ្នាំ ២០១៧ គឺនឹងជា iPhone 7s ហើយ ត្រូវ​ចាំដល់ឆ្នាំ ២០១៨ ទើបដល់ពេល iPhone 8 បង្ហាញខ្លួន។ ជាក់ស្តែង អ្នកវិភាគមួយចំនួន បាន​គូស បញ្ជាក់ឲ្យ​ដឹងថា​ iPhone 7 ​គ្រាន់តែជាម៉ូដែលអាប់ឌេតតិចតួច បើប្រៀបជាមួយនឹង iPhone 6s ប៉ុន្តែ iPhone 7s ដែល​នឹងបង្ហាញខ្លួននៅឆ្នាំក្រោយនេះ ត្រូវបានគេប៉ាន់ប្រមាណថា វាជាម៉ូដែល ដែលនឹង មានការធ្វើឲ្យ​ប្រសើរឡើងជាងមុនយ៉ាងច្រើន គួរឲ្យកត់សំគាល់ពី Apple។ តាមរយះនេះ មនុស្ស ជាច្រើនបានជឿ​ជាក់ថា Apple អាចនឹងបោះបង់ទម្លាប់ចាស់ ដោយរំលងម៉ូដែល iPhone 7s ហើយ បញ្ចេញ iPhone 8 នៅក្នុងឆ្នាំ ២០១៧ តែម្តង។

អ្នកនាំពាក្យរបស់ ក្រុមហ៊ុន Apple បានបដិសេធក្នុងការបញ្ចេញប្រតិកម្ម ទៅលើព័ត៌មានខាង លើនេះ៕

- មិនធម្មតាមែន! អ្នកប្រើប្រាស់ ៩០% នៅតែស្មោះស្ម័គ្រជាមួយនឹង Note 7 ជំនួសឲ្យការប្តូរយក លុយវិញ ឬប្តូរយកម៉ាកផ្សេង

ប្រែសម្រួល៖ មង្គល
ប្រភព៖ Business Insider, vreview