CamNews

ស្វែងរកកំរិតខ្ពស់
ព័ត៌មានបច្ចេកវិទ្យា 

អ្នកនិពន្ធជីវប្រវត្តិ Steve Jobs បានរិះគន់ Apple ថាលែងមានគំនិត ច្នៃប្រឌិតថ្មី

នៅក្នុងកិច្ចសម្ភាសន៍ជាមួយ CNBC, លោក Walter Isaacson អ្នកនិពន្ធជីវប្រវត្តិរបស់លោក Steve Jobs បានឲ្យដឹងថា សមត្ថភាពនៃភាពច្នៃប្រឌិតថ្មីរបស់ Apple សព្វថ្ងៃនេះ គឺអន់ទៅ យ៉ាងច្រើនបើប្រៀបជាមួយនឹង Google។ កិច្ចសន្យាចែកចាយ iPhone ដែល Apple ទើបតែ ធ្វើការចុះហត្ថលេខាជាមួយនឹង China Mobile ត្រូវបានលោក Isaacson វាយតំលៃថា វាគ្មាន អ្វីអាចប្រៀបធៀបជាមួយនឹង ករណីទិញយក Nest ដែលមានតំលៃ ៣,២ ពាន់លានដុល្លារ របស់ Google នោះឡើយ។

ក្នុងពេលដែល Apple នៅតែបង្កើតបាន នៅភាពចាប់អារម្មណ៍ពីបច្ចេកវិទ្យា ស្គែនក្រយៅដៃ Touch ID ដែលបានបំពាក់នៅក្នុង iPhone 5S ខាង Google ឯណោះវិញ បានចាប់អារម្មណ៍ដក ពិសោធនៅលើវិស័យជាច្រើន និងឧបករណ៍ផ្សេងៗទៀតដូចជា រថយន្តអាចបើកបរ ដោយខ្លួន ឯងបាន, វ៉ែនតាឆ្លាតវៃ Google Glass ហើយថ្មីៗនេះគឺ Nest ដែលជាក្រុមហ៊ុនជំនាញខាងផលិត ទំនិញប្រើប្រាស់ សម្រាស់គ្រួសារ។

Apple លែងជាប្រភពនៃការច្នៃប្រឌិត របស់ពិភពបច្ចេកវិទ្យា ដូចកាលនៅក្រោម ការគ្រប់គ្រងរបស់ Steve Jobs ទៀតហើយ

ការដែលទិញយក Nest គឺបានបង្ហាញពីចក្ខុវិស័យ និងយុទ្ធសាស្រ្ត ដ៏ត្រឹមត្រូវរបស់ Google។  ឆ្លើយតបជាមួយនឹង CNBC លោក Isaacson និយាយឲ្យដឹងថា: "យុទ្ធសាស្រ្ត ដែលគួរឲ្យភ្ញាក់ ផ្អើលរបស់ Google គឺអាចធ្វើការភ្ជាប់ បណ្តាឧបករណ៍ Mobile ទាំងអស់របស់ពួកយើង ជាមួយ នឹងការរស់នៅប្រចាំថ្ងៃរបស់ពួកយើង..."។

Isaacson បានឲ្យដឹងបន្ថែមថា លោក Tim Cook បានធ្វើការសន្យាជាច្រើន ស្តីពីផលិតថ្មីៗរបស់  Apple ដែលនឹងបង្ហាញខ្លួន នៅក្នុងឆ្នាំ២០១៤​ នេះ។ ក្នុងនោះបើសិនជាលោក Steve Jobs វិញ គ្រប់រឿងទាំងអស់ មិនបានបញ្ឈប់នៅត្រឹមតែពាក្យសំដីនិយាយប៉ុណ្ណោះទេ, Jobs តែងតែចង់ បង្កើតចេញនូវបណ្តាឧបករណ៍ថ្មីៗ ដែលទទួលបានការចាប់អារម្មណ៍ ជាវិជ្ជមាន យ៉ាងច្រើន សន្ធឹកសន្ធាប់ នៅលើទីផ្សារ។

ព័ត៌មានជាច្រើននៅពេលបច្ចុប្បន្ន បានឲ្យដឹងថា ផែនការបញ្ចេញនូវផលិតថ្មីៗរបស់ Apple នៅក្នុងឆ្នាំ ២០១៤ អាចរួមមាន iPhone ជំនាន់ថ្មីដែលមានអេក្រង់ធំជាងមុន, iPad ទំហំធំ, អេក្រង់ Thunderbolt 4K, ប្រព័ន្ធទូរទស្សន៍ឯកជន និងនាឡិកាឆ្លាតវៃ iWatch៕

ប្រែសម្រួល៖ សិលា
ប្រភព៖ zing


Tags: Author autobiography,  Steve Jobs,  Apple,  innovative,  Walter Isaacson,  Hightech

ព័ត៌មានបច្ចេកវិទ្យា ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...