១. iPhone 6 អាចបំលែងខ្លួនបាន
គំរូ Concept នេះត្រូវបានលេចចេញលើអ៊ីនធឺណេត តាំងពីមុន iPhone 5S បង្ហាញខ្លួនមកម្ល៉េះ។ គំរូនេះ មានសមត្ថភាពអាចបំលែងខ្លួនឯង ដោយស្វ័យប្រវត្តិ ដូចជាអាចបញ្ឈរខ្លួន ដោយខ្លួនឯងបាន, បើកក្តារ ចុចអក្សរសិប្បនិម្មិត នៅលើតុ និងផ្គត់ផ្គង់ (Support) ជាមួយ ម៉ាស៊ីនបញ្ចាំងស្លាយ (Slide) ជាដើម។
វីដេអូនៃគំរូ Concept នេះទទួលបានការចុចទស្សនា ច្រើនជាង ១៦លានដង នៅលើ Youtube គឺជា Concept ដែល Hot ជាងគេបំផុត ក្នុងរយះពេលមួយឆ្នាំមកនេះ។
២. iPhone 6 ថ្លាមើលធ្លុះ ពីម្ខាងទៅម្ខាង
Concept នេះ ក៏បានលេចចេញមុខមកជាងមួយឆ្នាំមកហើយ ហើយទទួលបានការចុចទស្សនាជាង ១៤លានដង នៅលើ Youtube។ iPhone 6 នេះ មានការរចនាម៉ូត ថ្លា ទាំងអេក្រង់ និង Hardware មើលធ្លុះ ពីម្ខាងទៅម្ខាងទៀត។ រូបរាងដ៏អស្ចារ្យនេះ ត្រូវបានមនុស្សជាច្រើន មិនជឿជាក់ថាវានឹង អាចក្លាយជាការពិតនោះទេ។
៣. iPhone 6 អេក្រង់ពីរ
Concept នេះក៏មានការរចនាម៉ូតថ្លា មើលធ្លុះពីម្ខាងទៅម្ខាងដែរ ប៉ុន្តែអេក្រង់នៃម៉ូដែលនេះ អាចបង្ហាញ រូបភាពបាន ទាំងខាងមុខ និងខាងក្រោយ។ វីដេអូរបស់ Kobi Snir នេះគឺពិតជាសាមញ្ញ ប៉ុន្តែវាបាន ទទួលនូវការចាប់អារម្មណ៍ចូលទស្សនា ជាង ៨លានដង នៅលើ Youtube បន្ទាប់ពីវីដេអូនេះ បាន បង្ហាញខ្លួន តាំងពី ៣ឆ្នាំមុន៕
ប្រែសម្រួល៖ សិលា
ប្រភព៖ zing
