មកដល់ថ្មីហើយ! Sugar Y7 Max ស្មាតហ្វូនដាំត្បូងរចនាបថថ្មី បង្កើននូវភាពទាក់ទាញលើសពីតម្លៃ
ក្រុមហ៊ុន Sugar ប្រចាំនៅប្រទេសកម្ពុជា នាដើមឆ្នាំ 2017 នេះបានប្រកាសចេញស្មាតហ្វូនស៊េរីថ្មីរបស់ខ្លួនម៉ូដែល Sugar Y7 Max ដែលជាម៉ូដែលថ្មីមួយសម្រាប់បន្តដំណើរលើវិថីនៃទីផ្សារស្មាតហ្វូននៅឆ្នាំ 2017 នេះ។
ស្មាតហ្វូនមួយនេះត្រូវបានក្រុមហ៊ុនធ្វើការរចនារូបរាងឡើងប្រកបទៅដោយភាពទាក់ទាញរំលេចចេញនូវភាពទាន់សម័យក្នុងការកាន់ប្រើប្រាស់ជាមួយតួខ្លួនស្រោបដោយលោហៈធាតុដ៏រឹងមាំព្រមទាំងមានរំលេចនូវត្បូងត្រង់ផ្នែកមួយចំនួននៃតួខ្លួនរបស់វាទៀតផង។
Sugar Y7 Max មានទំហំវិមាត្រ 153.5 x 77, កម្រាស់ 10.5 មម និងទម្ងន់រាងធ្ងន់បន្តិច 202 ក្រាម។ Y7 Max មានតួខ្លួនស្រោបដោយលោហៈប្រភេទអាលុយមីញ៉ូមអាល់ឡយនៅផ្នែកខាងក្រោយ និងក្រាលដោយកញ្ចក់ប្រភេទ 2.5D នៅផ្ទៃខាងមុខ។ ស្មាតហ្វូនម៉ូដែលថ្មីនេះមានការកែប្រែរូបរាង និងរចនាបថខុសពីស៊េរីមុនៗ ដោយនៅផ្នែកខាងក្រោយមានរំលេចដោយខ្សែ Antenna កាត់ទទឹងតួភ្លឺផ្លេកលើក្រោមយ៉ាងប្រណីតរួមជាមួយកញ្ចក់កាមេរ៉ារាបស្មើ, អំពូល LED flash មួយគ្រាប់, អក្សរ SUGAR និងរន្ធឧប៉ាល័របំពងសំឡេង។ ខាងមុខមានប៊ូតុងហូមនៅចំកណ្តាល ខាងលើកញ្ចក់អេក្រង់មានឧប៉ាល័រស្តាប់ការសន្ទនា អំពូល LED flash មួយគ្រាប់ និងកាមេរ៉ាមុខ។ រន្ធដោត USB នៅខាងក្រោម, រន្ធដោតកាស 3.5 មមនៅផ្នែកខាងលើ, ប៊ូតុងបិទបើក-ចាក់សោរទូរស័ព្ទជាមួយប៊ូតុងឡើងចុះសំឡេងស្ថិតនៅខាងស្តាំដៃរំលេចពីលើដោយត្បូង Swarovski តូចៗដ៏ចែងចាំង និងខាងឆ្វេងដៃមិនមានអ្វីនោះទេគឺរលោងស្អាត។ Sugar Y7 Max មានពីរពណ៌គឺប្រផេះ និងទឹកមាសស្រាល។
រីឯការប្រើប្រាស់វិញគឺកាន់តែមានភាពងាយស្រួលជាមួយកញ្ចក់អេក្រង់ទំហំ 5.5” ប្រភេទ IPS LCD ដែលអាចបង្ហាញផ្ទាំងទស្សនីយភាពទាំងឡាយបានក្នុងកម្រិត HD ឬ 720 x 1280 ភិចសែល។ ហើយកញ្ចក់អេក្រង់របស់ Sugar Y7 Max ក៏បានស្រោបការពារដោយកញ្ចក់ប្រភេទ 2.5D ដែលមានសភាពផុសឡើងរំលេចចេញនូវភាពស្រស់ស្អាត និងការប្រើប្រាស់ចុចបញ្ជាកាន់តែមានទំនុកចិត្តបន្ថែមទៀត។
បន្ថែមពីលើសោភ័ណ្ឌភាពដ៏ប្រណីតរបស់វា Sugar Y7 Max ក៏មានភ្ជាប់មកជាមួយនឹងកាមេរ៉ាសម្រាប់ថតរូបនៅផ្នែកខាងក្រោយទំហំ 13MP ជាមួយអំពូលភ្លើងជំនួយ LED flash មួយគ្រាប់ ផងដែរ។ ចំពោះកាមេរ៉ាខាងមុខវិញមានទំហំ 5.0 MP ប្រភេទ autofocus, LED flash ដែលមានភ្ជាប់មកជាមួយមុខងារថតរូបទំនើបៗដូចជា មុខងារថតរូបដោយស្វ័យប្រវត្តិគ្រាន់តែបញ្ចេញស្នាមញញឹម “Smile camera”, លើម្រាមដៃរាងអក្សរ “V”, key beauty និង gesture camera ជាដើម។
រាល់ប្រតិបត្តិការទូទៅនៅលើស្មាតហ្វូន Sugar Y7 Max គឺត្រូវពឹងផ្អែកទៅលើបន្ទះឈីប MediaTek MT6737 ដែលមានស៊ីភីយូប្រភេទ Quad-Core ល្បឿន 1.3GHz ជាមួយរ៉េមទំហំ 3GB និងអាចទ្រទ្រង់បាននូវប្រតិបត្តិការ Android ជំនាន់ Marshmallow v6.0។ បន្ថែមពីនេះស្មាតហ្វូន Sugar Y7 Max នៅមានអង្គផ្ទុកទិន្នន័យទំហំ 16GB អាចបន្ថែមអង្គចងចាំប្រភេទ microSD បាន 128GB, មានថ្មកំលាំងខ្លាំងរហូតដល់ 4,000mAh ហើយក៏អាចសាកបន្តទៅកាន់ស្មាតហ្វូន ឬក៏ឧបករណ៍ដទៃបានជាមួយមុខងារ OTG និងជាពិសេសវាអាចដាក់ស៊ីមកាតបានពីរប្រព័ន្ធដែលស៊ីមកាតទីមួយទ្រទ្រង់នូវប្រព័ន្ធសេវា 4G LTE ថែមទៀតផង។
ជារួមមកវិញ Sugar Y7 Max គឺជាស្មាតហ្វូនដែលមានរូបរាងស្រស់ស្អាតទាន់សម័យ សមត្ថភាពសមល្មមអាចបំពេញតម្រូវការបាន ហើយតម្លៃទៀតសោធក៏សមរម្យអាចទទួលយកបាន ដូច្នេះ ប្រិយមិត្តអាចធ្វើការពិចារណាបានសម្រាប់ម៉ូដែលនេះ ឬក៏អាចជាវមួយយកទៅប្រើប្រាស់ផ្ទាល់ដៃទើបបានដឹងកាន់តែច្បាស់អំពីគុណភាពនៃម៉ាកសញ្ញាស្មាតហ្វូនរបស់ប្រទេសបារាំងមួយ។អតិថិជនអាចរកជាវនូវស្មាតហ្វូនម៉ូឌែលថ្មីនេះបាននៅគ្រប់ហាងទាំងអស់ ទូទាំងព្រះរាជាណាចក្រកម្ពុជា។ Sugar Y7 Max បង្ហាញពីភាពទាន់សម័យរបស់លោកអ្នក៕
- DigiTimes: Samsung Display នឹងជាអ្នកផ្គត់ផ្គង់ panel AMOLED តែមួយគត់ដល់ iPhone 2017 (30/12/2016 14:02:00)
- លេចចេញរូបរាងរបស់ LG G6 បំបាត់ចោលការរចនាម៉ូតទម្រង់ Module មានរាងស្អាតទាក់ទាញជាង G5 (28/12/2016 15:40:00)
- ស្មាតហ្វូនបើកដំណើរថ្មី ក្នុងរដូវកាលបុណ្យគ្រីសស្មាស់ ៤៤% គឺជា iPhone ឈរលំដាប់កំពូលតារាង (28/12/2016 15:10:00)
- លេចចេញនូវការរចនាម៉ូតរបស់ Samsung Galaxy J7 (2017) ដែលមានផ្នែកខាងក្រោយ រាងប្លែកពីរាល់ដង (23/12/2016 09:07:00)
- Galaxy S8 អូសបន្លាយពេលបង្ហាញខ្លួន រហូតដល់ខែមេសា តម្លៃថ្លៃជាង Galaxy S7 (22/12/2016 09:52:00)
- ស្មាតហ្វូន Samsung នឹងប្រើប្រាស់ថ្ម ដែលផលិតដោយក្រុមហ៊ុន LG ម្តង (20/12/2016 08:45:00)
- Huawei បង្ហាញណែនាំ Honor Magic ជាមួយនឹងការរចនាម៉ូត យ៉ាងស្អាត តម្លៃ ខ្ទង់ជាង ៥០០ ដុល្លារ (19/12/2016 10:08:00)
- Xiaomi Mi Mix 2 លេចចេញការរចនាម៉ូត ដែលមានផ្ទៃអេក្រង់ពេញ ១០០% កាមេរ៉ាមុខស្ទីលថ្មី (19/12/2016 09:20:00)
- នេះគឺជា Sony Xperia XA 2017? ពិតជាស្អាតមែន! (16/12/2016 08:33:00)
- iPhone 8 អាចនឹងមានម៉ូដែល ប្រើស៊ីមកាតបានពីរ (15/12/2016 09:23:00)
ទូរស័ព្ទ ដែលមើលច្រើន
