CamNews

ស្វែងរកកំរិតខ្ពស់
ព័ត៌មានបច្ចេកវិទ្យា 

វត្តមាន Apple Watch បានធ្វើឲ្យបរិមាណលក់ នាឡិកាស្វ៊ីស មានការធ្លាក់ចុះ

យោងតាមរបាយការណ៍មួយ កាលពីពេលថ្មីៗនេះ នាឡិកាដំបូងគេរបស់ក្រុមហ៊ុន Apple (Apple Watch) គឺជាហេតុផលមួយ ក្នុងចំណោមហេតុផលមួយចំនួនផ្សេងទៀត ដែលបានធ្វើឲ្យបរិមាណលក់នៃនាឡិកា  ស្វ៊ីស មានការថយចុះ នៅក្នុងរយះពេលកន្លងទៅនេះ។

អាន៖ Samsung នឹងបង្ហាញណែនាំ Galaxy Note 5 មុនកាលកំណត់ ដើម្បីដណ្តើមទីផ្សារមុន iPhone 6S/ 6S Plus

សហព័ន្ធនៃឧស្សាហកម្មនាឡិកាស្វ៊ីស (Federation of the Swiss Watch Industry: FSWI) ទើបតែប្រកាស ចេញនូវរបាយការណ៍មួយ ឲ្យឃើញថា អត្រានាំចេញនៃនាឡិការបស់ប្រទេសនេះ បានធ្លាក់ចុះ ៨,៩% នៅ ក្នុងរយះពេលពីខែមេសា ដល់ខែឧសភា កន្លងទៅនេះ។ នេះគឺជាដំណាក់កាលនៃការធ្លាក់ចុះ ខ្លាំងបំផុត បើគិតចាប់ពីខែវិច្ឆិកា ឆ្នាំ២០០៩ មក។

អាន៖ Samsung បញ្ចេញស្មាតហ្វូនជំនាញ ថតរូប Selfie ជាមួយនឹងការបំពាក់កាមេរ៉ាមុខមាន អំពូល LED flash ជំនួយ

ខណៈពេលដែលការបំលែងរូបិយប័ណ្ណ អាចជះឥទ្ធិពលខ្លាំងក្លាដល់បរិមាណលក់បណ្តានាឡិកាស្វ៊ីស នៅក្នុងខែមេសា ក៏ជាខែដែល Apple Watch ចាប់ផ្តើមអនុញ្ញាតឲ្យអតិថិជនធ្វើការកុម្មង់ទិញផងដែរ។ នៅក្នុងរយះពេល ៥ខែដំបូងនៃឆ្នាំ ២០១៥ ការនាំចេញនាឡិកាស្វ៊ីសបានថយចុះ ០,៣%។ ក្នុងនោះ ការនាំ ចេញ នាឡិកាស្វ៊ីស ទៅកាន់សហរដ្ឋអាមេរិច បានថយចុះ ១៤% ទៅកាន់ហុងកុង​ ថយចុះ ៣៤% នៅក្នុង រយះពេលពីខែមេសា ដល់ខែឧសភា។

អាន៖ iPhone 7c អេក្រង់ ៤អ៊ីន នឹងបង្ហាញខ្លួន នៅក្នុងឆ្នាំ ២០១៦

បើយោងតាមបណ្តាអ្នកជំនាញវិភាគ នៅពេលដែលប្រាក់ដុល្លារឡើងថ្លៃ ហើយប្រាក់អឺរ៉ូធ្លាក់ចុះ ប្រជាជន អាស៊ីមាននិន្នាការទេសចរទៅកាន់អឺរ៉ុប ជាងទៅអាមេរិច ហើយតាមរយះនេះ ពួកគេនឹងធ្វើការទិញទំនិញ នៅទីផ្សារបណ្តាប្រទេសនៅអឺរ៉ុប ច្រើនជាងផងដែរ។ នោះក៏អាចជាហេតុផល ការនាំចេញនាឡិកាស្វ៊ីស ទៅកាន់ទីផ្សារអាមេរិច ត្រូវបានធ្លាក់ចុះ។ Patrik Schwendimann អ្នកវិភាគម្នាក់របស់ធនាគារ Zuercher Kantonalbank ក៏បានឲ្យដឹងបន្ថែមថា បណ្តាផលិតផលនាឡិកាតំលៃទាបៗ ដែលនាំចូលទីផ្សារអាមេរិច អាចត្រូវបានប៉ះពាល់ ដោយសារតែវត្តមានរបស់ Apple Watch៕

 

ប្រែសម្រួល៖ ករុណា
ប្រភព៖ Phonearena, Vreview


Tags: Apple Watch,  Swiss watches,  Apple,  Hightech

ព័ត៌មានបច្ចេកវិទ្យា ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...