បើតាមរបាយការណ៍ថ្មីបំផុត ដែលបានប្រកាសបង្ហាញឲ្យដឹង កាលពីថ្ងៃម្សិលមិញនេះ, Counterpoint Research បានឲ្យដឹងថា iPhone 5S បាននាំមុខគេ នូវបរិមាណលក់ចេញ នៃស្មាតហ្វូនទូទាំងពិភព លោក បើជាដំបូងឡើយ ឧបករណ៍នេះ មិនសូវមានការចាប់អារម្មណ៍ច្រើន (អាចមកពីតំលៃថ្លៃពេក)។ ជាក់ស្តែង Apple បានខិតខំប្រឹងប្រែង ឆ្លើយតបទៅនឹងតម្រូវការរបស់អតិថិជន យ៉ាងខ្លាំង នៅក្នុងខែ វិច្ឆិកា និងខែធ្នូ នេះ។
iPhone 5 បានជាប់ចំណាត់ថ្នាក់ទី២ ក្នុងតារាងរបស់ Counterpoint។ Galaxy S4 បានចំណាត់ថ្នាក់លេខ ៣ ហើយនិង iPhone 5C ទទួលបានចំណាត់ថ្នាក់លេខ ៤។ ចំណាត់ថ្នាក់បន្តបន្ទាប់ទៅទៀតគឺបានដល់ Samsung Galaxy Note 3, Galaxy S3 និង Galaxy S4 Mini។
បើតាមប្រភពពី Counterpoint Research, iPhone 5S របស់ Apple គឺទទួលបានការពេញនិយមខ្លាំង នៅប្រទេសចិន ជាទីកន្លែងដែលភាគហ៊ុនទីផ្សារ នៃស្មាតហ្វូននេះ បានកើនឡើងពី ៣% ដល់ ១២% តែក្នុងរយះពេល ១ខែប៉ុណ្ណោះ។ លទ្ធផលខាងលើ បានជួយឲ្យ Apple ក្លាយទៅជាអ្នកផ្គត់ផ្គង់ស្មាតហ្វូន ធំលំដាប់ទី៣ នៅលើទីផ្សារប្រទេសនេះ។ កិច្ចសន្យា ដែលទើបតែបានចុះហត្ថលេខា កាលពីពេលថ្មីៗ នេះជាមួយ ប្រព័ន្ធទូរស័ព្ទចល័ត China Mobile នឹងជួយឲ្យ Apple រឹតតែខ្លាំងជាងមុនទៅទៀត "ដូចខ្លា ដុះស្លាប" ក្នុងការដែលចូលកៀក កាន់តែជិតស្និតជាមួយអ្នកប្រើប្រាស់ នៅប្រទេសចិន ទីកន្លែងដែល មានចំនួនប្រជាជនច្រើន ជាងគេបំផុតទូទាំងពិភពលោក៕
ព័ត៌មានគួរឲ្យចាប់អារម្មណ៍ ផ្សេងទៀត៖
- គំរូ Concept Nokia Normandy ប្រើប្រព័ន្ធប្រតិបត្តិការ Android តំលៃថោក ស្អាតទាក់ទាញ
- រថយន្តក្រុង ជាមួយនឹងជញ្ជាំងសងខាង ជាអេក្រង់ LCD ដ៏ស្អាតប្លែកភ្នែក (មានវីដេអូ)
- ការពិត ៦យ៉ាងដែលធ្វើឲ្យភ្ញាក់ផ្អើល ស្តីពី ពិភពបច្ចេកវិទ្យា
ប្រែសម្រួល៖ សិលា
ប្រភព៖ zing
