បើតាមសំដីរបស់បុគ្គលិកម្នាក់របស់ Vodafone, រន្ធសាក iPad Air ដែលដាក់តាំងនោះ បាន
លេចចេញជាផ្កាភ្លើង ហើយបន្ទាប់មក ក៏បានផ្ទុះឆេះឡើង។ រថយន្តពន្លត់អគ្គីភ័យត្រូវបាន
គេហៅមកជួយសង្គ្រោះភ្លាមៗ ពេលដែលក្នុងហាងមានពេញទៅដោយផ្សែង។ បើតាម
ប្រភពពី News.com.au មិនមានអ្នកណាម្នាក់ ទទួលរងរបួសឡើយ នៅក្នុងហេតុការណ៍នេះ។
នេះមិនមែនជាលើកទីមួយ ដែលឧបករណ៍របស់ Apple បានផ្ទុះឆេះ ពេលកំពុងសាក។ បណ្តា
ករណីពីមុនៗ ត្រូវបានរកឃើញថា បណ្តាលមកពីអ្នកប្រើប្រាស់ បានប្រើឆ្នាំងសាក មិនមែន
ជារបស់ហ្ស៊ីន របស់ Apple។ ជាក់ស្តែង សម្រាប់ហាងដ៏ល្បីមួយដូចជា Vodafone នេះ រឿង
ដែលហាងយកឆ្នាំងសាកក្លែងក្លាយមកប្រើ គឺពិបាកនឹងកើតមានឡើងណាស់។
បន្ទាប់ពីទទួលបានព័ត៌មានខាងលើ Apple បានបញ្ជូនអ្នកតំណាងរបស់ខ្លួន មកកាន់ហាង
Vodafone ខាងលើ ដើម្បីស្វែងយល់ ត្រួតពិនិត្យហេតុការណដែលបានកើតឡើងនោះ៕
ព័ត៌មានគួរឲ្យចាប់អារម្មណ៍ ផ្សេងៗទៀត៖
- Justin Bieber ត្រូវបានគេដេញចេញ ពីសណ្ឋាគារ នៅអាហ្សង់ទីន
- កាមេរ៉ាសុវត្ថិភាពជាង ៦០គ្រឿង ត្រូវបានបំពាក់នៅលើបង្គោលភ្លើងចរាចរណ៍មួយ
- Apple កំពុងតែពិសោធ iPhone អេក្រង់កោង ទំហំធំ
- Sony និយាយពីកាលវិភាគ Update Android 4.3 និង 4.4 ដល់ឧបករណ៍ Xperia របស់ខ្លួន
- មិត្តភក្តិក្លាយជាស្នេហា ចុងក្រោយស្នេហាក្លាយជាអ្វីទៅ?
ប្រែសម្រួល៖ សិលា
ប្រភព៖ zing
